شاہ سلمان نے عدل و انصاف کی مثال قائم کر دی۔دوست کو قتل کرنیوالا سعودی شہزادہ قصاص میں قتل کردیا گیا.
نیٹ نیوز:
ایک سعودی کو قتل کرنے کے جرم میں اپنے ہی بھتیجے ترکی بن سعود الکبیر کو قصاصا قتل کروا دیا۔
تفصیلات کے مطابق تین سال قبل شہزادہ ترکی بن سعود کی گولی سے ان کا دوست عادل المحیمید قتل ہو گیا اور عدالت نے شہزادے کو قصاصا قتل کرنے کے احکام جاری کر دیے، اور معاملہ سپریم کورٹ تک جا پہنچا، مقتول کے ورثاء دیت لینے پر رضا مند نہیں تھے، حالانکہ مقتول کے ورثاء کو شاہی خاندان کی طرف سے بہت بڑی بڑی پیشکشیں کی گئیں تھیں لیکن مقتول کے ورثاء نے سب کو جوتے کی نوک پر ٹھکرا دیا، اس پر سپریم کورٹ نے قصاصا قتل کے فیصلے پر تصدیق کر دی اور آج 18 اکتوبر 2016 کو شہزادہ ترکی بن سعود کو قتل کر دیا گیا۔
شاہ سلمان کے اس فیصلے پر سعودی معاشرے میں بالخصوص اور دیگر مسلمانوں میں بالعموم خوشی کا اظہار کیا گیا ہے کہ مملکت سعودی عرب میں اللہ کی حدود اور اسلامی قانون سے کوئی بھی مستثنی نہیں ہے، چاہے اس کا تعلق شاہی خاندان سے ہی کیوں نہ ہو۔
واضح رہے کہ شاہ سلمان نے گزشتہ برس جدہ میں منعقد ہونے والی اینٹی کرپشن کانفرنس سے خطاب کرتے ہوئے کہا تھا کہ کوئی بھی شخص میرے یا میرے خاندان کے کسی بھی فرد کے خلاف دعوی دائر کر سکتا ہے۔
#شاہ_سلمان
خبر کی تصدیق کیلیے لنک:
https://goo.gl/e5dm1P
No comments:
Post a Comment