اب کوٸی شک باقی نہیں۔۔۔عمران خان کا بڑا بول

چیٸرمین تحریک انصاف عمران خان نے گزشتہ شپ رانا ثنإاللہ کی جانب سے کیے گٸے پریس کانفرنس پر ردعمل دیتے ہوٸے کہا ہے کہ رانا ثنإ اللہ کی پریس کانفرنس کسی بڑے جرم کی پردہ پوشی کی کوشش ہے۔ پی ٹی آٸی سربراہ کا کہنا تھا کہ جیلوں میں خواتین کے ساتھ مبینہ بدسلوکی تشویشناک ہے۔ انہوں نے کہا کہ‏ رانا ثنا اللہ کی رات گئے کانفرنس پر تشویش ہے کہ یہ کچھ غلط کر بیٹھے ہیں یا غلط کرنے جارہے ہیں۔

 عمران خان نے کہا کہ اگر جیلوں میں خواتین سے بدسلوکی میں کوئی شک تھا تو مجرم (رانا ثنإاللہ) کی پریس کانفرنس نے دور کردیا۔ انہوں نے کہا خواتین کے ساتھ کبھی بھی ریاست کی طرف سے اتنا برا سلوک اوراس طرح ہراساں نہیں کیا گیا جتنا اس فاشسٹ حکومت کی جانب سے سے کیا جارہا ہے۔ چیٸرمین تحریک انصاف کا کہنا تھا کہ رانا ثنإ اللہ میڈیا پر آکر خواتین کے ساتھ ہونے والے خوفناک واقعات کو چھپانے کی کوشش کر رہا ہے۔ جن خواتین کو گرفتار کیا گیا وہ پرامن احتجاج کے حق کو استعمال کررہی تھی۔