PM Imran Khan Said٫ Sharif Family is acting like Mafia. شریف فیملی مافیا کا کردار ادا کررہی ہے۔ عمران خان۔

وزیراعظم عمران خان کی زیر صدارت جمعہ کے روز ترجمانوں کا اجلاس منعقد ہوا۔

اجلاس میں ہائیکورٹ کے فیصلے پر تبادلہ خیال۔وزیراعظم عمران خان نے کہا کہ عدالت نے شرہف فیملی کا کچا چٹھا کھول دیا ہے،

چیف جج کا ایفی ڈیویٹ نواز شریف کے بیٹے کے آفس میں نوٹرائزڈ ہوا ہے، مریم نواز کے کیس سے پہلے ایفی ڈیویٹ سامنے لایا گیا،

شریف فیملی ایک مافیا کی طرح ایکٹ کر رہی ہے، شریف فیملی ایک مافیا ہے، سروائیول کی جنگ لڑ رہا ہے۔ شریف فیملی خود کو بچانے کی جنگ لڑ رہی، ہم عوام کی جنگ لڑ رہے ہیں شریف فیملی ہمیشہ عدالتوں پر اثر انداز ہوتی رہی اور ایسے حربے استعمال کرتی رہی ہے، ہمیں اس مافیا کا مقابلہ کرنا ہے، آج عدالت نے انہیں ایکسپوز کر دیا ہے۔

پانی کا بحران پر صوبوں کی لڑائی۔۔۔۔ تحریر: سعید مزاری Water Conflict in Pakistan

پانی کا بحران پر صوبوں کی لڑائی۔۔۔۔  

تحریر: سعید مزاری

پانی اللہ تعالیٰ کی وہ نعمت ہے جس کے بغیر دینا کا وجود قائم رہنا ناممکن ہے، ماضی میں پانی کے مسئلے پر جنگوں کے احوال سے انسانی تاریخ بھری پڑی ہے، اور عالمی حالات پر نظر رکھنے والوں نے مستقبل میں بھی پانی کے مسئلے کو انسانوں کی بقاء کیلئے سنگین ترین خطرہ قرار دیا، اس وقت کئی ممالک پانی کی قلت سے دوچار ہیں اور آنے والے وقتوں میں یہ قلت عالمی امن و امان کو تہہ و بالا کر سکتا ہے۔

پانی کے بحران والے ممالک میں بدقسمتی سے پاکستان بھی شامل ہے، پاکستان کا وسیع و عریض رقبہ زرخیز ہونے کے باوجود فقط پانی کی قلت کے باعث بنجر پڑا ہوا ہے۔ پاکستان میں پانی دریاؤں، بارشوں اور پہاڑوں پر موجود گلیشیئر کے پگھلنے سے حاصل ہوتا ہے، جبکہ پاکستان کے بیشتر علاقوں میں زیر زمین پانی یا تو سرے سے موجود ہی نہیں یا پھر وہ پانی اپنی ساخت، آلودگی اور وہاں کی مٹی کے حساب سے مطابقت نہ رکھنے کی وجہ سے ناقابل استعمال ہے۔ پاکستان چونکہ ایک زرعی ملک ہے اس لیے پاکستان میں پانی کی کھپت بھی زیادہ ہے، پاکستان میں زرعی مقاسد کیلئے درکار پانی کی ضروریات کو بہتر انداز میں پورا کرنے کیلئے ارسا اتھارٹی قائم کی گئی ہے جو ملک کے چاروں صوبوں کو پانی کی منصفانہ تقسیم کی ذمہ دار ہے۔ 

ارسا اتھارٹی میں وفاقی حکومت سمیت تمام صوبوں کے نمائندگان شامل ہیں جو پورا سال ملک میں دریاؤں اور ڈیموں سے پانی کے بہاؤ، ذخائر اور ضروریات کے معاملات کو مانیٹر کرتے ہیں، ارسا اتھارٹی پانی کے دستیاب وسائل کے مطابق سوبوں کو پانی کی فراہمی یقینی بنانے کیلئے اقدامات کرتا ہے۔ 

1992 میں ارسا آڑڈیننس کے بعد صوبوں کے مابین ہونیوالے معاہدے اور بعد ازاں اس میں ہونیوالی ترامیم کے مطابق دریائے سندھ کے پانی کا 47 فیصد پنجاب کیلئے مختص ہے، اسی طرح سندھ کا حصہ 42 فیصد، خیبر پختونخواہ کیلئے 8 فیصد جبکہ بلوچستان کیلئے صرف 3 فیصد مقرر کیا گیا ہے۔ صوبوں کے یہ حصے ان کی آبادی، زیرکاشت زرعی رقبہ، وہاں پر کاشت ہونیوالی فصلوں اور ملک میں دستیاب آبی وسائل کو مدنظر رکھ کر باہمی رضا مندی سے ترتیب دیئے گئے ہیں۔ لیکن دیکھنے میں یہ آیا کہ تمام صوبے پانی کے حوالے سے ایک دوسرے سے دست و گریباں ہیں۔ 

یوں تو پانی پر صوبوں کی لڑائی کوئی نئی بات نہیں بلکہ عشروں سے سیاستدان پانی کا نعرہ لگا کر اقتدار میں آتے رہے۔ تاہم گزشتہ چند روز سے پانی کے مئسلے کو جس انداز میں پیش کیا جارہا ہے اس نتائج آنے والے وقتوں کیلئے وطن عزیز کیلئے تشویش کا باعث بن سکتے ہیں۔ چند روز قبل ارسا اجلاس کے دوران سندھ اور بلوچستان کی طرف سے پنجاب پر ایکبار پھر اپنے حصے سے زائد پانی استعمال کرنے کا الزام عائد کیا گیا۔ اس اجلاس میں  ایک رپورٹ پیش کی گئی جس میں سندھ کی طرف سے کم پانی ملنے کے الزام کو رد کیا گیا اور کہا کہ سندھ ناصرف پانی کا اپنا پورا حصہ وصول کرتا رہا بلکہ بلوچستان کے پانی کا بھی بیس فیصد سے زائد غلط اعدادوشمار کے ذریعے لے جاتا رہا۔ رپورٹ میں بتایا گیا کہ سندھ نے گڈو بیراج اور سکھر بیراج سے خارج ہونیوالے پانی کے اعدادوشمار میں ہیر پھیر اور غلط بیانی سے کام لیا۔ گڈو بیراج سے جب بائیس ہزار کیوسک پانی خارج ہو رہا تھا تب اعدادوشمار میں اس پانی کا اخراج فقط چھ ہزار کیوسک بتایا گیا اسی طرح سکھر بیراج سے بھی پانی اخراج کے اصل اعدادوشمار کو کم کرکے دکھایا گیا۔ ارسا نے آبی ذخائر کی میں کمی کے سبب پنجاب اور سندھ کو پانی کی ترسیل میں چند روز کمی ضرور کی لیکن جونہی تربیلا ڈیم اور دریائے سندھ میں پانی کی مقدار میں اضافہ ہوا تو دونوں صوبوں کو پانی کی فراہمی بھی بڑھا دی گئی۔ ارسا اتھارٹی نے واضح کیا کہ ارسا اتھارٹی میں چونکہ تمام صوبوں کی نمائندگی ہے تو اس لیے یہ ممکن ہی نہیں کہ کسی ایک صوبے کے حصے کا پانی کم کردیا جائے اور دوسرے کا بڑھا دیا جائے۔ تاہم فراہم کردہ پانی کے مقدار میں کمی بیشی کا دارومدار آبی ذخائر کی دستیابی پر منحصر ہے۔ 

اس وقت پنجاب سے 26 میل دریائی پانی گزر کر سندھ میں داخل ہوتا ہے اور پنجاب حکومت  کے اعدادوشمار کے مطابق پنجاب صرف چھ فیصد پانی ضائع کرتا ہے۔ تاہم آزاد ذرائع کے مطابق پنجاب میں دریا اور پہاڑی نالوں سے نکلنے والے پانی کا تقریباً 13 فیصد ضائع ہو جاتا ہے لیکن سندھ میں یہی پانی تقریباً چھ سو میل سفر کرتا ہے اور اس کا ضیاع محتاط اندازے کے مطابق تیس فیصد سے زائد ہے۔ وزیراعلیٰ پنجاب کی معاون خصوصی ڈاکٹر فردوس عاشق اعوان نے الزام عائد کیا کہ سندھ پانی کے جس مقدار کو ضائع ظاہر کررہا ہے وہ وہاں کے وڈیرے چوری کرلیتے ہیں۔ جبکہ سندھ کا کہنا ہے کہ انہیں کبھی بھی حصےکا پانی ملا ہی نہیں۔ اسی طرح بلوچستان کا کہنا ہے کہ دریائے سندھ سے ان کا حصہ سات ہزار کیوسک منظور ہے لیکن انہیں ایک ہزار سے بارہ سو کیوسک سے زیادہ پانی نہیں دیا جاتا۔ صوبوں کے ایک دوسرے پر الزام تراشی اور تحفظات کو مدنظر رکھ کر فیصلہ کیا گیا کہ پانی کے حوالے سے نہروں اور بیراجوں پر واٹر ٹیلی میٹری سسٹم لگانے کا فیصلہ کیا گیا لیکن ملک کے بڑے صوبوں نے اس سسٹم کی مخالفت کردی۔ جہاں سے چھوٹے صوبوں میں یہ احساس بڑھا کہ واقعی چھوٹے صوبوں کے حصے کا پانی بڑے صوبے استعمال کررہے ہیں۔ اگر ٹیلی میٹری سسٹم لگ جائے تو اس سے ناصرف چھوٹے صوبوں کا احساس محرومی ختم ہو جائے گی بلکہ بڑوں صوبوں کے مابین موجود تحفظات اور الزام تراشی کا باب بھی بند ہو جائے گا۔ ملک میں بھی اس سے زرعی انقلاب کے نئے باب کھل جائینگے۔ لیکن افسوس کہ ایسے معاملے کو بھی سیاست کی نظر کردیا گیا۔ گو کہ وفاق نے صوبوں کے مابین پانی کی فراہمی کے معاملے کی مانیٹرنگ کیلئے فی الوقت واٹر انسپکٹر تعینات کرنے کا اصولی فیصلہ کرلیا جو کہ ملک کے اہم بیراجوں ، نہروں اور بڑے راجباہوں پر پانی کا بہاؤ مانیٹر کرینگے۔ تاہم اس میں احتمال ہے کہ یہ انسپکٹر صوبائی حکومتوں کے دباؤ کا شکار ہو کر ایکبار پھر غلط اعدادو شمار کے ذریعے صوبوں کے مابین تلخیوں کو بڑھانے کا سبب نہ بن جائیں۔ اس لیے ضروری ہے کہ ملک میں پانی کے اس مسئلے کے دیرپا حل کیلئے ناصرف آبی ذخائر میں اضافہ کیا جائے اور تمام صوبوں اور دیگر سٹیک ہولڈرز کے ساتھ مل کر سائنسی بنیاد پر قابل عمل اور شفاف نظام وضع کیا جائے۔ تاکہ ملک کے تمام حصے سیراب ہو کر اس ملک کی تعمیر و ترقی میں اپنا حصہ شامل کر سکیں۔ تمام صوبوں کو بھی چاہیے کہ وہ دل بڑا کرکے ایک دوسرے کا حق تسلیم کریں اور خوش دلی سے سب کو ان کا حصہ دیں۔ اس سے وفاق مضبوط ہوگا اور جب وفاق مضبوط ہوگا تو وہ بیرونی دشمنان وطن کا زیادہ مؤثر انداز میں مقابلے کے قابل ہوگا۔ بصورت دیگر افغانستان، بھارت سمیت دیگر ہمسائے ممالک تو ہمارے خلاف آبی جارحیت کے منصوبوں پر کئی دہائیوں سے عم پیرا ہیں۔

کوہ سلیمان اور دیائے سندھ ڈاکوؤں کی طویل اور محفوظ آماجگاہوں کا ذمہ دار کون؟تحریر: سعید مزاری

عنوان: کوہ سلیمان اور دیائے سندھ ڈاکوؤں کی طویل اور محفوظ آماجگاہوں کا ذمہ دار کون؟

تحریر: سعید مزاری (rindaannews@gmail.com)

نہ تعلیم، نہ روزگار، اوپر سے قبائلیت کی یلغار، اور جب  قانون نافذ کرنے والے  اور انتظامی ادارے  بھی ہوں سیاسی مصلحت کے شکار تو پھر  پنجاب سے سندھ تک ڈاکوؤں کی کیوں نہ ہو للکار،ڈیرہ غازی خان  کی پہاڑوں سے لے کر سندھ کے دریائی علاقوں تک ہر فرد ہے عدم تحفط کا شکار۔

وطن عزیز کے نقشے پر نظر دوڑائیں تو عین وسط میں جنوبی پنجاب  کے اضلاع ڈیرہ غازی خان، مظفر گڑھ، راجن پور اور رحیمیار خان  کے علاقے دکھائی دیتے ہیں ، جبکہ ان سے متصل  صوبہ سندھ کے اضلاع کشمور، گھوٹکی اور مشرق کی جانب کوہ سلیمان کے  پہاڑی سلسلے کے دوسری طرف بلوچستان کے اضلاع   بارکھان، ڈیرہ بگٹی اور ڈیرہ مراد جمالی واقعہ ہیں ۔ 

گزشتہ تین دہائیوں کے دوران ملک بھر میں سب سے زیادہ تعداد میں ڈاکوؤں کے خطرناک ترین گینگ بھی  جنوبی پنجاب ، سندھ اور بلوچستان کے ملحقہ علاقوں سے سامنے آئے،ڈیرہ غازی خان ڈویژن کی کل آبادی لگ بھگ ڈیڑھ کروڑ ہے اور یہاں پر سب سے زیادہ تعداد بلوچ قبائل کی ہے، لغاری، مزاری، بزدار، کھوسہ، گورچانی یہاں کے مشہور و معروف اور بااثر قبائل شمار کیے جاتے ہیں ،ان قبائل کے بیشتر سردار ناصرف سیاسی طور پر انتہائی متحرک ہیں بلکہ تقریباً قیام پاکستان سے اب تک ان قبائل کے نامور سردار صوبائی اور وفاقی حکومتوں میں اعلیٰ عہدوں پر بھی فائز  چلے آ رہے ہیں ،

ماضی میں صدر مملکت سردار فاروق لغاری، نگران وزیراعظم میر بلخ شیر مزاری، وزیراعلیٰ پنجاب سردار سیف کھوسہ، غلام مصطفیٰ کھر،  ذوالفقار خان کھوسہ، سابق ڈپٹی سپیکر سردار شوکت مزاری، سردار شیرعلی خان گورچانی، حالیہ وزیراعلیٰ پنجاب سردار عثمان خان بزدار، ڈپٹی سپیکر پنجاب میر دوست محمد مزاری جیسی شخصیات کا تعلق بھی ڈیرہ غازی خان ڈویژن سے ہے۔ڈیرہ غازی خان ڈویژن کا محل وقوع جہاں جغرافیائی لحاظ سے اہم ہے وہاں دفاعی اعتبار سے بھی اس خطے کی اہمیت سے انکار ناممکن ہے، مشرق میں  میں دشمن ملک بھارت کی اس خطے پر نظر ہے، بھارت پاکستان کو ایک اور زخم دینے کیلئےاسی راستے سے بلوچستان میں رسائی کا خواہشمند ہے،سیاسی، جغرافیائی اور دفاعی لحاط سے اس قدر اہم خطہ  تعمیر و ترقی کے حوالے سے روز اول ہی سے حکومتوں  کی عدم توجہی  کا شکار رہا ہے، ڈیرہ بگٹی  ، بارکھان اور ڈیرہ مراد جمالی ہوں یا پھر سندھ  کے  علاقے  کشمور، جیکب آباد، شکار پور اور گھوٹکی  ، یہ تمام علاقے تعلیم، روزگار سمیت زندگی کی دیگر بنیادی سہولیات سے یکسر محروم ہیں ،  لوگوں کا گزر اوقات  کا ذریعہ گلہ بانی، کاشت کاری یا  پھر محنت مزدوری ہے، قانون کی عمل داری تو درکنار اس کا تصور بھی ان علاقوں میں موجود نہیں ہے، بظاہر پولیس ، عدالتیں  اور دیگر انتظامی ادارے تو موجود ہیں تاہم عملی طور پر ان سب کا اثر رسوخ کہیں موجود نہیں ہے، اصل حکومت ان علاقوں کے سرداروں ، وڈیروں اور سیاسی لوگوں کی ہے۔ 

کوہ سلیمان کے قبائلی علاقوں میں امن و امان کے قیام کو یقینی بنانے کیلئے بارڈر ملٹری پولیس، رینجرز اور بلوچ لیویز تعینات ہے، جبکہ ڈیرہ غازی خان ، راجن پور، مظفر گڑھ ، سمیت سندھ کے میدانی علاقوں میں پولیس جرائم پر قابو پانے کیلئے موجود ہے،  تاہم  جرائم پیشہ گروہوں کے ارکان کی  آپس میں قبائلی رشتہ داریوں، سیاسی اثر رسوخ اور وسائل کی کمی کے باعث یہ تمام اداروں کو  شہریوں کو تحفظ دینے میں خاطر خواہ کامیابی  نہیں مل پا رہی، ان علاقوں میں جرائم کی شرح میں اضافے کی سب سے بڑی وجہ جہاں قبائلی سرداری نظام ، غربت ، جہالت کو قرار دیا جا سکتاہے وہاں پر قانون نافذ کرنیوالے اداروں میں چھپی کالی بھیڑیں بھی امن کی راہ مین بڑی رکاوٹ ہیں ، ڈیرہ غازی خان،راجن پور، رحیمیار خان، کشمور، گھوٹکی اور شکار پور سمیت اس خطے میں موجود تمام جرائم پیشہ عناصر کو جدید ترین اسلحے کی سپلائی کوہ سلیمان کے راستے سے ہوتی ہے،   جبکہ دریائے سندھ کے درمیان موجود جزیرہ نما کچے کے علاقے خطرناک گروہوں کیلئے کسی جنت سے کم نہیں، ڈاکوؤں کے گروہوں نے کچے کے علاوہ بھی ہرعلاقے  اور ادارے میں  اپنے سہولت کار بنا رکھے ہیں جو انہیں پل پل کی خبر پہنچاتے رہتے ہیں۔ 

حال ہی میں صوبہ سندھ کے علاقہ شکار پوراور کشمور میں مسلح ڈاکوؤں کیجانب سے دس افراد کے قتل، اغوا اور جنوبی پنجاب کے ڈیرہ غازی خان میں لادی گینگ کی وحشیانہ کارروائیوں نے ایکبار پھر ملک بھر میں  ہر شخص کو تشویش سے دوچار کردیا ہےسندھ  میں ڈاکوؤں کے ایک گروہ نے بکریاں چوری کرنے کیخلاف مزاحمت پر ایک ہی خاندان کے دس افراد کو بے دردی سے قتل کردیا اور بعد ازاں سوشل میڈیا پر اشتعال انگیز ویڈیو بھی شیئر کردی، جبکہ شکار پور میں ڈاکوؤں نے بے گناہ لوگوں کو اغوا کرلیا، آپریسن کیلئے جانیوالی پولیس کی بکتر بند گاڑی قابو کر لی اور کئی جوانوں کو شہید اور زخمی کردیا، اسی طرح  ڈیرہ غازی خان کے بدنام ترین لادی گینگ کی ایک سفاکانہ ویڈیو نے جہاں انسانیت کا سر شرم سے جھکا دیئے وہاں اقتدار کے ایوانوں میں بیٹھے بڑوں کو بھی  ایسے وحشیانہ گروہوں کا سر کچلنے کیلئے سر جوڑ کر بیٹھنے کیلئےمجبور کردیا، لادی گینگ کے ارکان نے مخبری کے شبہ  اغوا کے بعد اعضاء کاٹ دیئے اور اس وحشیانہ اقدام کی ویڈیو بنا وائرل بھی کی گئی، لاقانونیت کا یہ سلسلہ کئی دہائیوں سے جاری و ساری ہے، جنوبی پنجاب کے اہم ترین ڈیرہ غازی خان ریجن  سے سندھ کے وسط تک پھیلے دریائی کچے کے علاقوں میں اس وقت مختلف ناموں سے چھوٹے بڑے پچاس سے زائد جرائم پیشہ گروہ سرگرم ہیں ، جو اہم شاہراہوں پر ڈکیتی و راہزنی کی وارداتوں، اغوا برائے تاوان، قتل،  بھتہ خوری، زمینوں پر قبضے سمیت دیگر وارداتوں میں ملوث ہیں، ان جرائم پیشہ گروہوں کا آپس میں مضبوط ربط ہے، یہ گروہ ایک دوسرے کو اسلحہ  فراہمی کے ساتھ ساتھ افرادی قوت اور مشکل وقت میں پناہ سمیت ہر طرح کی مدد بھی باہم پہنچاتے ہیں، جنوبی پنجاب میں منظم جرم کی یہ داستان 1996 میں حافظ ریاض بسرا کے جھنگوی گروپ کے قیام سے  شروع ہوئی، بظاہر یہ گروپ ایک مذہبی گروہ کے طور پر سامنے آیا جو ناموس اہلبیت اور ناموس صحابہ کے نام پر اپنے مخالف عقیدے کے حامل افراد کو سبق سکھانے کیلئے وجود میں لایا گیا تھا، لیکن بعد ازاں اس گروہ نے خطرناک ترین ڈکیت اور دہشتگرد گینگ کی شکل اختیار کرلی، ایک وقت آیا کہ ریاض بسرا کا نام مسلکی اختلاف رکھنے والوں سمیت بڑےکاروباری حضرات سمیت  عام شہریوں کیلئےبھی خوف کی علامت بن گیا، جھنگوی گروپ کے بعد پھر آئے روز ایک نیا گروہ سامنے آنے لگا،  1998 میں ضلع مظفر گڑھ کے علاقوں علی پور اور اردگرد میں قتل، راہزنی اور اغوا برائے تاوان جیسی وارداتوں میں ملوث ایک اور گروہ سامنے آ گیا جو بوسن گینگ کے نام سے جانا گیا، بوسن گینگ کو اصل شہرت 2001 میں حاصل ہوئی جب پولیس کو کچے میں مجود اس کے ٹھکانوں کے خاتمے میں ناکامی کا سامنا کرنا پڑا، اس آپریشن مین بوسن گینگ کے مسلح ارکان نے پولیس کو بھاری جانی اور مالی نقصان پہنچا کر پچھاڑ دیا تھا، بوسن گینگ اس خطے کا وہ پہلا ڈکیت گروہ تھا جس نے  دریائے سندھ کے کچے کے علاقوں  اور کوہ سلیمان  کی گھاٹیوں میں موجود چھوٹے چھوٹے جرائم پیشہ گروہوں کو اپنے ساتھ ملا کر مظفر گڑھ ، ڈیری غازی خان، راجن پور ، رحیمیار خان سمیت جیکب آباد ، گھوٹکی اور بلوچستان میں علیحدگی پسندوں  تک نامور جرائم پیشہ لوگوں سے تعلقات استوار کرلیے اور اپنا مضبوط نیٹ ورک بنا لیا۔

بوسن گینگ، مریدا نوہکانی گینگ، راجن پور کے کچے میں موجود بابا لونگ گینگ، ضلع رحیمیار خان اور گھوٹکی کے کچے کے علاقوں میں موجود بھنڈر گینگ، شر گینگ، کوش گینگ کے ارکان  پنجاب ، سندھ میں وارداتیں کرتے اور وارداتوں سے حاصل آمدن آپس میں تقسیم کرلیتے، ان گینگز نے خود کو محفوط رکھنے کیلئے اور مخبری کیلئے  بی ایم پی  اور پولیس  افسران، سیاستدانوں، سرداروں ، وڈیروں  سمیت مخصوص افراد سے تعلقات بنا لیے، جو انہیں نا صرف اہم معلومات فراہم کرتے بلکہ قانونی  کارروائیوں اور وارداتوں کے بعد  اور مکمل سہولت کاری فراہم کرتے ہیں، بلوچستان کے علیحدگی پسند گروہ جنوبی پنجاب اور سندھ میں موجود ان خطرناک گروہوں کوملکی و غیر ملکی جدید ترین  اسلحہ  فراہم کرتے ہیں، جو مبینہ طور پر بی ایم پی  اور محکمہ پولیس میں موجود ڈاکوؤں کے سہولت کاروں کے ذریعے ان تک پہنچائی جاتی  ہے، وارداتوں کے دوران لوٹ مار اور اغوا برائے تاوان سے حاصل ہونیوالے اسباب کی تقسیم کے دوران ان گروہوں میں آپس کی لڑائیاں بھی ہوتی ہیں، ایسی ہی لڑائی کی وجہ سے راجن پور کے کچے میں موجود بابا لونگ گینگ نے بوسن گینگ کے ارکان کو دھوکے سے بلوا کر اور کھانے میں نشہ آور شئے دے کر پولیس کے ہاتھوں مروا دیا، بابا لونگ گینگ  کا مرکز راجن پور کی تحصیل روجھان کا دریائی علاقہ کچہ جمال اور اس سے ملحقہ علاقے تھے، جبکہ بابا لونگ گینگ انڈس ہائی وے، کے ایل پی روڈ پر لوٹ مار کے ساتھ ساتھ رحیمیار خان، کشمور، راجن پور، ڈیرہ غازی خان اور بہاولپور تک اغوا برائے تاوان اور ڈکیتی وارداتیں کرتا رہا،  بابا لونگ گروہ کی کارروائیوں سے متاثر،  پولیس اور مقامی وڈیروں کی زیادتیوں سے تنگ آ کرغلام رسول باکرانی نامی شخص نے ایک مقامی ہوٹل کی بیراگیری چھوڑ کربابا لونگ کے ڈکیت گروہ میں شمولیت اختیار کرلی، بظاہر ایک عام شخص دکھائی دینے والا غلام رسول باکرانی انتہائی کم عرصے میں بابا لونگ گینگ کا اہم ترین رکن بن گیا اور چھوٹو کے نام سے معروف ہو گیا، بابا لونگ کا گروپ ٹوٹ پھوٹ کا شکار ہوا تو پھر اسی گروپ کے کچھ لوگوں کو ملا کر اور علاقے مزید جرئم پیشہ افراد کو اپنے پاس اکٹھا کرکے غلام رسول باکرانی عرف چھوٹو نے اپنا الگ گینگ بنا لیا، جو بعد ازاں مشہور معروف چھوٹو گینگ کے نام سے نا صرف راجن پور اور رحیمیار خان کے علاقوں میں دہشت کی علامت  سمجھا جانے لگا بلکہ اس گروہ  نے اپنی کارروائیوں کا دائرہ پورے پنجاب سمیت سندھ اور بلوچستان تک پھیلا دیا، چھوٹو گینگ کا نام پہلی بار اس وقت سامنے آیا جب  2005 میں اس گینگ نے سی پیک پر کام کرنے والے 5 چینی انجینئروں کو اغوا کرلیا،  اس وقت ڈپٹی سپیکر پنجاب اسمبلی سردار شوکت مزاری نے صوبائی حکومت کی درخواست پر ذاتی اثر و رسوخ استعمال کرتے ہوئے چینی انجینئروں کو تاوان کے بدلے باحفاظت رہا کروا لیا،  اس واقعے بعد چھوٹو گینگ کو شیہہ مل گئی اور اس نے بڑی بڑی کارروائیاں  ڈالنا شروع کردیں، 2005 میں چھوٹو گینگ کے خلاف پولیس نے ایک بڑے آپریشن کی تیاری کی لیکن جب آپریشن کا وقت آیا تو روجھان سے تعلق رکھنے والے ایک مقامی سردار نے اس آپریشن کی مخالفت کی اور اس وقت مقامی حکومت میں ہونے کے باعث اس سردار کی مداخلت اور مخالفت کے باعث آپریشن ملتوی کردیا گیا۔

چھوٹو گینگ نے بوسن اور بابا لونگ گینگ کے نقش قدم پر چلتے ہوئے ڈیرہ غازی کے لادی گینگ اور مریدا نوہکانی گینگ سے تعلقات قائم کرلیے، لادی گینگ جو دراصل ڈیرہ غازی خان کے کھوسہ  قبیلے کے بگڑے ہوئے نوجوانوں کا گروہ تھا ان کا مرکز کوہ سلیمان  پر واقعے تمن کھوسہ، تمن لغاری ، تمن بزدار  کے علاقے تھے، عام تاثر پایا جاتا ہے کہ اس گروہ کو تمن کھوسہ کے سرداروں ، وڈیروں اور مقامی ایم پی ایز اور ایم این ایز کی سرپرستی حاصل رہی ہے، یہ لوگ اس گروہ کو ڈی جی سیمنٹ فیکٹری ، اور دیگر ترقیاتی منصوبوں پر کام کرنے والے ٹھیکیداروں اور کمپنیوں سے بھتہ وصولی، سیاسی و سماجی مخالفین کو سبق سکھانے، افسران کو ڈرانے دھمکانے اور علاقے کے بڑے بڑے تاجروں  اور بڑی برادریوں پر اثر انداز ہونے کیلئے استعمال کرتے ہیں ، مریدا نوہکانی گینگ اور لادی گینگ میں کئی بار آمنا سامنا بھی ہوا ہے، مریدا نوہکانی گینگ اب عملی طور پر تقریباً ختم ہو چکا ہے، کیونکہ اس گینگ کے اکثر ارکان قبائلی دشمنیوں ، پولیس مقابلوں اور آپس کے اختلافات کی بھینٹ چڑھ چکے ہیں لادی گینگ کا اصل سربراہ مبینہ طور پر ایک پولیس مقابلے میں مارا گیا تھا اور اس کے اور بھی کئی ارکان مبینہ پولیس مقابلوں اوراختلافات کے سبب اپنے انجام کو پہنچ چکے ہیں  اس لیے موجودہ لادی گینگ دراصل وہی لادی گینگ نہیں بلکہ یہ چاکرانی گینگ ہے جسے خدا بخش چاکرانی لیڈ کرہاہے، اور یہ گروہ کم و بیش 47 افراد پر مشتمل ہے، جس مین سے 17 افراد انتہائی مطلوب ڈکیت ہیں، اس گینگ پر جب بھی کوئی مشکل وقت آتا ہے تو یہ یا تو کوہ سلیمان کی پہاڑوں مین چھپ جاتے ہیں جہاں انہیں علیحدگی پسند فراریوں کی امداد میسر ہو جاتی ہے یا پھر یہ راجن پور، رحیمیار خان، اور سندھ کے کچے کے علاقوں میں جا کر چھپ جاتے ہیں اور حالات ٹھیک ہونے پر دوبارہ اپنی کمین گاہوں میں واپس لوٹ آتے ہیں۔ لادی گینگ کے خلاف جاری حالیہ آپریشن کے دوران بھی یہی معلومات آ رہی ہیں کہ اس کے بیشتر ارکان آپریشن شروع ہونے سے قبل ہی اپنے ٹھکانوں سے فرار ہوچکے ہیں اور سیکیورٹی فورسز کو اس آپریشن میں خاطر خواہ کامیابی ملنے کے بہت کم امکان ہیں۔ ماضی میں بابا لونگ گین گ کے خلاف متعدد آپریشنز کیے گئے جن میں مجموعی طور پر پولیس کو ناکامی کا سامنا کرنا پڑا، پھر چھوٹو گینگ کے خلاف کم و بیش 12 آپریشن کیے گئے لیکن ہر بار زیادہ نقصان مقامی افراد اور پولیس کا ہی ہوتا رہا، راجن پور ، مظفر گڑھ  اور رحیمیار خان پولیس نے آپریشنوں میں درجنوں پولیس اہلکار اور افسران شہید کروائے،  بالآخر 2016 میں 24 پولیس اہلکاروں کی رہائی کیلئے پاک فوج کو آپریشن کرنا پڑا، اس آپریشن کے دوران چھوٹو گینگ کا سربراہ غلام رسول عرف چھوٹو نے اپنے 13 ساتھیوں سمیت گرفتاری دی، اور پھر پولیس کے مغوی اہلکاروں نے رہائی پائی،  چھوٹو گینگ سے متعلق ایک جے آئی ٹی بنی ، جے آئی ٹی کی چھوٹو گینگ سے متعلق تحقیقات میں انتہائی ہولناک انکشافات سامنے آئے کہ اس گینگ کو پولیس کے چند اعلیٰ افسران، اہلکاروں اور مقامی چند سرداروں اور وڈیروں نے کس طرح استعمال کیا، اور کس طرح اس گروہ کی سہولت کاری کی گئی۔ چھوٹو گینگ پر بننے والی جے آئی ٹی نے اپنی رپورٹ میں باقاعدہ طور پر محکمہ پولیس  کے ملازمین سمیت دیگر سہولت کاروں کے نام بھی دیئے اور چھوٹو گینگ کے پورے نیٹ ورک  کو ایکسپوز کیا اس رپورٹ میں علاقے کے نامور سیاستدان اور اُس وقت کی حکومت میں موجود افراد کے نام بھی سامنے آئے تھے، لیکن بدقسمتی سے چھوٹو گینگ کے سہولت کاروں کے خلاف مؤثر کارروائی عمل میں نہیں لائی جا سکی،  اس کا نقصان یہ ہوا کہ چھوٹو کا گینگ ختم نہ ہوا بلکہ اس کے باقیات  فقط تین ماہ بعد ہی لٹھانی، عمرانی، بنوں، عطاء اللہ پٹ، لُنڈ اور دولانی گینگ کی شکل میں سامنے آ گئے،  اور آج تک یہ گینگ پورے علاقے میں سرگرم ہیں،  چند روز قبل بھی لٹھانی گینگ نے روجھان کے کچے سے دو پولیس اہلکاروں  کو اغوا کرلیا، جنہیں بازیاب کروانے کیلئے بظاہر علاقے مین آپریشن کیا گیا جبکہ حقیقت میں اہلکاروں کو چھڑوانے کیلئے ڈاکوؤں سے بااثر شخصیات کے ذریعے مزاکرات کیے گئے اور ان مذاکرات کے نتیجے میں پولیس نے پہلے بھورل لٹھانی نامی ڈاکوؤں کے ساتھی کو رہا کیا جس کے بدلے میں ڈاکوؤں نے دونوں اہلکاروں کو رہا کیا۔ کچھ ذرائع سے یہ بھی خبریں موصول ہو3ئی ہیں کہ اہلکاروں کے اغوا کا سارا معاملہ ہی ایک طے شدہ منصوبے کے تحت ہی عمل مین لایا گیا۔ ذرائع کا کہنا ہے کہ پولیس افسران اور لٹھانی گینگ کے مابین بھورل کی رہائی کے حوالے سے تمام معاملات پہلے ہی  لاکھوں روپے کے نذرانے کے عوض طے پا چکے تھے، ڈوکوؤں اور ڈیل کرنے والے پولیس کے ذمہ داران کی باہمی رضامندی سے دونوں اہلکاروں کا اغوا کیا گیا اور بعد ازاں اسے جواز بنا کر بھورل لٹھانی کی رہائی کیلئے راہ ہموار کی گئی۔ اسی طرح کشمور میں چاکرانی قبیلے کے دس افراد کے قاتل ڈاکوؤن کے خلاف آپریشن چل رہا ہے اس آپریشن کی حقیقت بھی یہی ہے کہ پولیس نے ڈاکوؤں سے مقابلے کیلئے دس افراد کی جانیں گنوانے والے چاکرانی برادری ہی کو آگے کردیا، اور خود ان سے پیچھے اپنے کیمپوں میں بیٹھ کر آپریشن کی فرضی ویڈیوز اور خبریں جاری کرکے کارکردگی دکھائی جارہی ہے۔ شکار پور میں تیغانی ، تنگوانی، سمیت دیگر اقوام کےجو ڈاکو سرگرم ہیں ڈیرہ غازی خان ، راجن پور، کشمور کی طرح یہاں کے کچے کے علاقوں میں بھی آپریشن کا فیصلہ کیا گیا جو گزشتہ کئی روز سے جاری ہے لیکن پولیس دعوؤں  برعکس  وہاں پرپنجاب پولیس کی طرح سندھ پولیس کوبھی کوئی خاطر خواہ کامیابی حاصل نہیں ہو رہی، ڈاکوؤں سےکہیں زیادہ نقصان سندھ پولیس کا ہو رہا ہے،باخبر ذرائع کے مطابق شکار پور میں ڈاکووں کی معانت کیلئے لُنڈ گینگ، عطاءاللہ پٹ  گینگ اور فراریوں کے ارکان علاقے میں جود ہیں موجود ہیں ،جبکہ انہیں مقامی سرداروں اور وڈیروں سمیت اپنے قبائل کے لوگوں کی طرف سے بھی پولیس کے مقابلے میں امداد فراہم کی جا رہی ہے۔ شکار پور میں ڈاکووں اور ان کی سرپرستی کے حوالے سے بیس صفحات پر مشتمل ایک جامع رپورٹ  سابق ایس ایس پی شکار پور ڈاکٹر رضوان نے بناکر کر اعلیٰ افسران کو دی، اس رپورٹ میں ڈاکتر رضوان نے ناصرف ڈاکووں کی نشاندہی کی بلکہ مکمل ثبوتوں اور فون کال ریکارڈ کی تفصیل کے ساتھ ان ڈاکووں کے سہولیت کاروں کو بھی بے نقاب کیا، ہونا تو یہ چاہیئے تھا کہ اس رپورٹ پر کارروائی کرتے ہوئے ناصرف ڈاکوؤں کا قلع قمع کیا جاتا بلکہ ان کے سہولت کاروں اور سرپرستوں کو بھی نشان عبرت بنایا جاتا لیکن اس کے برعکس ہوا یہ کہ ڈاکٹر رضوان کو سندھ حکومت کی جانب سے ناصرف پریشان کیا گیا بلکہ انہیں وہاں سے بھی ہٹا دیا گیا۔ ڈاکٹر رضوان نے اپنی رپورٹ مین واضح لکھا کہ پیپلز پارٹی کے رہنما و سندھ حکومت کے چند وزراء و مشیران اور ان کے عزیز و اقارب شکارپور میں ڈاکوں کی سرپرستی کرتے ہیں۔ رپورٹ نے سندھ میں کھلبلی مچا دی اور انجام کے طور پر ڈاکٹر رضوان کو ہی ہٹا دیا گیا۔ 

ڈاکو خواہ کسی بھی علاقے مین ہوں ان کا خاتمہ تب تک ممکن نہیں جب تک کہ ان ڈاکوؤں کو رسد پہنچانے والے، پل پل کی خبر پہنچانے والے، پناہ دہنے والے ان کی سرپرستی کرنیوالے اور ان کو ہر طرح کی سہولت باہم پہنچانے والے افراد خواہ وہ کوئی بھی ہوں ، کسی بھی محکمہ میں کسی بھی عہدے پر فائز ہوں کا خاتمہ نہ کیا جائے۔ ملک میں امن و امان کے قیام کیلئے عدالتوں کو بھی اپنا کردار ادا کرنا چاہیئے کیونکہ اثر دیکھا گیا ہے کہ جرائم پیشہ بڑے بڑے لوگوں کو کسی نا کسی طرح عدالتون سے بھی ریلیف مل جاتا ہے۔ جس کی وجہ سے وہ اور مضبوط ہو جاتے ہین اور مزید بدامنی کا باعث بنتے ہیں۔ اس کے علاوہ حکومت کو ان علاقوں پر بھی توجہ دینے کی ضرورت ہے حکومت کو چاہیئے کہ جہاں سہولیات زندگی کی کمی، روزگار، تعلیم اور صحت کی سہولیات کا فقدان ہے اور اس وجہ سے لوگوں میں تشدد پسندی فروغ پا رہی ہے تو ان علاقوں میں تمام ضروری سہولیات فراہم کرنے کیلئے ہنگامی بنیادوں پر اقدامات کرے تاکہ ان علاقون کے لوگ احساس محرومی کا شکار ہو کر جرائم کا راستہ اپنانے کی بجائے ریاست کی طرف سے فراہم کردہ سہولیات سے فائدہ اٹھا کر ایک اچھے شہری اور معاشرے کیلئے کارآمد انسان بن سکیں۔ 

تحریک انصاف حکومت اور اپوزیشن کی سیاسی دوڑ

عرضداشت

عنوان: تحریک انصاف حکومت اور اپوزیشن کی سیاسی دوڑ

تحریز: سعید مزاری 

دسمبر کے ٹھٹھرتے موسم میں پاکستانی سیاست کا پارہ چارسُو گرم دکھائی دے رہا ہے ناقدین ان حالات کو پاکستان تحریک انصاف کی تین سالہ دور اقتدار میں انتظامی نااہلی قرار دیتے ہیں۔ ان کی نظر میں پی ٹی آئی حکومت ملکی معاملات چلانے میں ناکام رہی اور ان کی پالیسیوں کے سبب ایوزیشن کو متحد ہونے کا موقع ملا۔ بظاہر ناقدین کی یہ رائے معقول دکھائی دے رہی ہے کیونکہ پاکستانی عوام نے پی ٹی آئی کے ان تین سالوں کے دوران ہر آنیوالے دن کو گزشتہ روز سے مشکل ترین پایا۔ تین سالوں کے دوران ملکی معاشی عشاریوں میں جو خطرناک کمی واقع ہوئی اس سے ایک طرف عام آدمی کی آمدن اور قوت خرید کم ہوگئی دوسری طرف بری ایڈمنسٹریشن کا خمیازہ عوام کو بدترین مہنگائی کی شکل میں بھگتنا پڑ رہا ہے۔ ایسا لگ رہا ہے کہ پورے ملک میں کہیں کسی شعبے میں کسی بھی چیز پرکوئی چیک  اینڈ بیلنس ہے ہی نہیں۔ سیاسی لوگوں کی نااہلی کے سبب پاکستانی بیوروکریسی خودکو  دنیاکی طاقتور ترین بیورو کریسی سمجھتی ہے یہی بیورو کریسی ان تین سالوں کے دوران ملکی معاملات اور عوام کو درپیش مشکلات سےلاتعلق ہوکر بیٹھے ایسے تماشہ دیکھ رہی ہے جیسے کہ میدان میں ریچھ اور کتوں کو لڑتے ہوئے دور بیٹھے تماشائی دیکھ رہے ہوتے ہیں۔ 

عمران خان اس ملک کو کرپشن سے پاک کرکے ایک عوامی فلاحی ریاست بنانے کا منشور لے کر وزارت عظمیٰ کے منصب تک پہنچے۔ انہوں نے وزیراعظم بننے کے بعد ریاست مدینہ کو رول ماڈل قرار دیتے ہوئے پاکستان کو اسی طرز پر نیا پاکستان بنانے کا اعلان کیا۔ گو کہ انہوں نے اس کیلئے چند ایک اقدامات ایسے اٹھائے بھی جن پر چل کر ایک اچھی ریاست کا قیام ممکن ہو۔ لیکن عمران خان کو اپنے اطراف موجود مفاد پرست لوگوں نے بری طرح اپنے شکنجے میں پھنسا لیا ہے۔ وہ عمران خان کو اپنے چرب زبانی سے سبزباغ دکھا کر ایسے فیصلے کروا لیتے ہیں جو بظاہر خوشنما دیکھائی دیتے ہیں لیکن ان کا ملکی معیشت اور عوام کی معاشی حالت پر بہت برا اثر پڑتا ہے۔ اوپر سے عمران خان کو ایوزیشن بھی ایسی ملی کہ جو عمران خان کو ناکام اور نااہل ثابت کرنے کیلئے کسی بھی جائز ناجائز حد تک جانے کیلئے صف آراء ہے۔ عمران خان کی مخالفت میں ایوزیشن کے جو لوگ دہائیوں سے ایک دوسرے کے خلاف تھے ساری رنجشیں بھلا کر یا پھرعارضی طور پر ناراضگیوں کو کسی کونے میں رکھ کر میدان میں ہے ان کا صرف ایک ہی مقصد ہے کہ عمران خان کو کامیاب نہیں ہونے دینا خواہ اس لیے پورے ملک اور یہاں کی ساری عوام کی زندگیوں کو داؤ پر لگانا پڑ جائے۔ 

دراصل گزشتہ تیس پینتیس سال سے پاکستان میں صرف دو جماعتوں کی حکومتیں رہیں ان دونوں جماعتوں نے ہر دور میں اپنی مخالف پارٹی کی حکومت کو سازشوں سے گرایا اور باریاں لیں۔ عوام کے پاس تیسرا کوئی آپشن تھا ہی نہیں اس لیے ان دو جماعتوں نے اس ملک کو جاگیر اور عوام کو رعایا سمجھ کر باری باری حکمرانی کی۔ ہردونوں جماعتوں نے حکمران پارٹی سے اقتدار چھیننے کیلئے ہرحربہ استعمال کیا۔ تاہم اپنے درمیان کسی تیسری جماعت کو مدمقابل کھڑے ہونے  کا موقع نہ دیا۔ عمران خان نے تحریک انصاف کے نام سے جماعت بنائی تو اس وقت ان دو بڑی جماعتوں کے وہم وگمان میں بھی نہیں تھا کہ کسی روز یہ جماعت ان سے ان کا اقتدار چھین لے گی۔ 

شریف خاندان اور زرداری خاندان ( میں یہاں بھٹو خاندان قصدا" نہیں لکھ رہا کیونکہ بھٹو اور ان کے بیٹے میرمرتضیٰ بھٹو کی موت کے بعد عملی طور پر پاکستانی سیاست سے اس خاندان کا نام مٹ گیا تھا اور اب جو لوگ صرف عوامی ہمدردی کیلئے اپنے نام کے ساتھ بھٹو لگاتے ہیں وہ بھٹونہیں بلکہ زرداری خاندان کے ہیں خواہ بینظیر ہو، بلاول ہو یا پھر آصفہ یہ سب زرداری خاندان کے لوگ ہیں بھٹو نہیں) نے اپنی تین تین چار چار باریوں کے دوران اپنی حکومتوں کو مضبوط کرنے اور اس ملک کے نظام کو اپنی مٹھی میں رکھنے کیلئے ناصرف ہر سرکاری دفتر اور عہدے پر اپنے بندے لا بٹھائے بلکہ غیر سرکاری اداروں میں بھی اپنے وفا اداروں کی فوج لاکر بٹھا دیا۔ پاکستان کے تمام سرکاری اداروں میں ناصرف اہم عہدوں پر بلکہ چپراسی تک ان دو خاندانوں کے وفاداروں کی لائن لگی ہوئی ہے۔ آج جب عمران خان کی حکومت ان خاندانوں کی کرپشن پر ہاتھ ڈالتا ہے تو وہی وفادار لوگ کرپشن کے ثبوت غائب کردیتے ہیں۔ جہاں زیادہ معاملہ پھنس جاتا ہے تو وہاں پر عدالتوں میں بڑے بڑے منصبوں پر بیٹھے لوگوں کے ذریعے ریلیف لے لیا جاتا ہے۔ 

اس قدر چالوں سے بنائے گئے دو خاندانوں کی بادشاہت کوعمران خان نے ایک ہی جھٹکے میں ختم کردیا تو یہ کیسے ممکن تھا کہ عمران خان ان دونوں خاندانوں اور ان کے گماشتہ نما اتحادیوں کی  سازشوں سے محفوظ رہتے۔ 

ان دونوں خاندانوں نے عمران خان کاراستہ روکنے اور اسے ناکام ثابت کرکے عوام کے دل سے نکالنے کیلئے اپنے تمام تر حربے استعمال کرڈالے عدالتی منصبوں پر بیٹھے اپنے وفادارلوگوں سے لیکر بیوروکریسی تک اور ہر سرکاری محکمے میں بیٹھےاپنے ہی ہاتھوں لگائے افسر سے لیکر چپراسی تک کو عمران خان کو ناکام حکمران ثابت کرنے پر لگا دیا۔ اب ہوتا یہ ہےکہ عمران خان کوئی حکم دے بیوروکریسی اس پر عملی اقدامات کی بجائے ناصرف کاغذی کارروائیاں ڈالتی ہے بلکہ اس حکم کو الٹا کر عوام پر مصیبت نازل کردیتی ہے اور سب اچھا کی رپورٹ عمران خان کی ٹیبل پر پہنچا دی جاتی ہے۔ اگر کہیں واقعی کوئی کارروائی ہو بھی جائے تو عدالتوں میں بیٹھے مہان ہستیاں ان لٹیروں کو کسی نا کسی طرح ریلیف دے دیتی ہیں۔ 

عمران خان کی حکومت نے گراس روٹ لیول پر عوام کو ریلیف دینے کیلئے صحت کارڈ، نیا پاکستان ہاؤسنگ سکیم، احساس پروگرام ، کامیاب پاکستان، کامیاب نوجوان، ہنر مند نوجوان سمیت بے شمار بہترین منصوبے شروع کیے لیکن ہر جگہ پر موجود کرپٹ مافیا ان سب کا فائدہ عوام تک پہنچنے ہی نہیں دے رہا۔ اس وقت مخالف جماعتیں ہر ممکن کوشش میں ہیں کہ مہنگائی کی شرح روزبروز بڑھتی ہی جائے کم نہ ہو تاکہ عوام سڑکوں پر نکل آئے۔ 

 بیوروکریسی سب کچھ جان بوجھ کر اپنے کرپٹ آقاؤں کی تسکین کیلئے منافع خوروں اور ذخیرہ اندوزوں کیخلاف کارروائی نہیں کرتی جس سے ناصرف مہنگائی میں اضافہ ہوتا ہے بلکہ ضروریات زندگی کی اشیاء کی قلت بھی پیدا ہوجاتی ہے جس سے عوام حکومت سے متنفر ہورہی ہے۔ 

اپوزیشن کی حلیف بیورو کریسی اور عمران خان مخالف قوتوں کے گٹھ جوڑ کے اثرات خیبر پختونخوا میں ہونے والے بلدیاتی انتخابات کے پہلے مرحلے میں سامنے آ چکے ہیں۔ مہنگائی کی ستائی عوام نے پی ٹی آئی حکومت کی پالیسیوں کو مسترد کردیا۔ جس سے دیگر اپوزیشن جماعتوں کو بالعموم جبکہ پیپلزپارٹی اور مسلم لیگ ن کو بالخصوص بہت حوصلہ ملا۔ اگر حالات میں بہتری نہیں لائی گئی  مستقبل قریب میں کوئی بہتری نظر بھی نہیں آرہی تو ایسے میں چند ماہ بعد پنجاب میں متوقع بلدیاتی انتخابات کا نتیجہ پی ٹی آئی حکومت کیلئے خیبر پختونخوا سے  کہیں زیادہ خطرناک ہوگاجو برسراقتدار پارٹی کیلئے کوئی اچھا شگون نہیں۔ 

دوسری جانب پنجاب کے بلدیاتی انتخابات میں پیپلز پارٹی اور ن لیگ بھی حکمران جماعت کو ٹف ٹائم دینے کیلئے بھرپور تیاریوں میں لگے ہوئے ہیں آصف علی زرداری نے لاہور میں خیمہ لگا کر پڑاؤ ڈالنے کا اعلان کیا تو دوسری جانب ن لیگ اپنے بکھرے ہوئے لوگوں کو دوبارہ اکٹھا کرنے اور ورکروں کا جوش و جذبہ بڑھانے کیلئے نواز شریف کے وطن واپسی کا کارڈ کھیلنے کی کوششوں میں ہے۔ عین ممکن ہے کہ نواز شریف واپس آ بھی جائیں کیونکہ برطانیہ نے ان کا ویزہ بڑھانے سے انکار کردیا اور اگر اپیل کا فیصلہ ان کے حق میں نہیں آتا تو پھر جنوری کے دوسرے یا تیسرے ہفتے تک میاں نواز شریف کو برطانیہ سے نکلنا ہی پڑے گا لیکن ن لیگ اس معاملے کوگھما پھرا کر اپنے حق میں استعمال کرنے کا منصوبہ بنا چکی ہے اس لیے ابھی سے وہ میاں نوازشریف کی وطن واپسی اور اگلے چند مہینوں میں کچھ بڑی تبدیلی کی خبریں چلوائی جا رہی ہیں۔ اس سب میں ایک بات تو طے ہے کہ میاں نواز شریف خواہ خود واپس آئیں ( جو سزائیں ختم کروانے تک تو ممکن دکھائی نہیں دیتا) یا پھر برطانوی حکومت انہیں ڈی پی پورٹ کرکے پاکستان بھیج دے پی ٹی آئی حکومت کی مشکلات میں اضافہ دونوں صورتوں میں ہوجائے گا۔ کیونکہ عوام کی ایک معقول تعداد کے علاوہ عدالتوں میں اور بیورو کریسی اور اسٹیبلشمنٹ میں ان کے ہمدردوں کی ایک بڑی تعداد موجود ہے جو تمام تر مشکلات کا سامنا کرنے کے باوجود میاں نوازشریف کو ریلیف دینے سے نہیں کترائیں گے۔ بلکہ حکومتی پارٹی کیلئے مزید مشکلات میں اضافہ ہی کرینگے۔ تاہم گزشتہ کچھ دنوں سے ن لیگ اور دیگر اپوزشیشن پارٹیوں کی جانب سے یہ تاثر کہ عمران خان کے خلاف ان کی اسٹیبلشمنٹ سے کوئی ڈیل ہو گئی ہے تو یہ فی الوقت صرف اور صرف پروپیگنڈا کے سوا کچھ نہیں ہے۔ اسٹیبلشمنٹ کی طرف سے واضح کہا گیا کہ آصف زرداری یا کسی اور پارٹی سے اگر ان کے کسی بندے کوئی ملاقات کی ہے تو اس کا نام بتایا جائے۔ ان حالات میں اب عمران خان کی حکومت کے پاس اپنی ساکھ بچانے کے صرف دو ہی راستے ہیں ایک یہ کہ کسی بھی طرح کرکے مہنگائی کے جن کو قابو کرے اور لوگوں کو سستی اشیاء کی فراہمی سہل کردے جو اب تک کے اقدامات اور بیورو کریسی کے رویے سے ممکن ہوتا ہوا نظر نہیں آرہا۔ دوسرا راستہ یہ ہے کہ صوبہ پنجاب کو بلدیاتی انتخابات سے قبل انتظامی طور پر دو یا تین صوبوں میں تقسیم کردے جنوبی پنجاب صوبے کا وعدہ پورا کرنے پر وہاں کی عوام سب دکھ بھول کر پی ٹی آئی کے گن گائے گی اور پنجاب کے سنٹرل اور اپرحصوں میں مزید تقسیم سے پی ٹی آئی کی حریف جماعتیں خاص طور پر ن لیگ کمزور ہوجائے گی اپر پنجاب میں ق لیگ اور دیگر جماعتیں اکثریت میں آ جائینگی اور پی ٹی آئی سے الگ صوبہ ملنے کی وجہ سے پنگا نہیں لیں گی جبکہ سنٹرل پنجاب میں اکثریت اور صوبائی حکومت بنانے کے باوجود مجموعی طور پر کم سیٹوں کی وجہ سے ن لیگ پی ٹی آئی کو مرکز میں حکومت بنانے سے روکنے کی پوزیشن میں بھی نہیں ہوگی۔ اور یوں پی ٹی آئی جنوبی پنجاب کے پی اور سندھ سے اتنی سیٹیں لینے میں کامیاب ہوجائے گی کہ اگلی حکومت بنا سکے اور دو سے تین صوبوں میں اپنی یا الگ یا ایک آدھ صوبے میں اشتراکی حکومت بھی بنانے میں کامیاب ہو جائے گی۔ 

ابھی اس وقت جس تیزی سے حالات بدل رہے ہیں ان حالات میں پی ٹی آئی حکومت کیلئے مہنگائی اور ٹیکسوں کے بوجھ تلے دبی عوام کا اعتماد بحال کرنا بہت بڑا چیلنج ہے کیونکہ جنوری، فروری کے مہینے میں پاکستانی سیاست اور ملکی حالات انتہائی حساس ہو جائینگے۔ اب تک پی ٹی آئی کے ہاتھ عوام سے اپنے لیے ہمدردی لینے کیلئے کچھ بھی پاس نہیں ہے۔ اس وقت تیس فیصد سے زائد پی ٹی آئی کے کارکن خود اپنی پارٹی سے مایوس ہو چکے ہیں۔ آنیوالے وقتوں میں دیکھا جائے گا کہ عمران خان جو ایک مضبوط اعصاب کے مالک کھلاڑی اور لیڈر ہیں اپنی پارٹی کے کم بیک کیلئے کیا فیصلے اور اقدامات کرتے ہیں۔ فی الوقت حکومتی ترجمانوں کے بیانوں سے پی ٹی آئی کے سر پر منڈلانے والے خطروں کے بادل چھٹتے ہرگز دکھائی نہیں دیتے۔ بلکہ یہ عمران خان سمیت پوری پارٹی کو گمراہ کرکے تباہ کرنے کا باعث بن رہے ہیں۔

گندم خریداری مہم 2020اور وزیراعلیٰ عثمان بزاد کے مثالی کسان دوست اقدامات(CM Usman Buzdar's initiatives for Wheat purchasing )

عنوان: گندم خریداری مہم 2020اور وزیراعلیٰ عثمان بزاد کے مثالی کسان دوست اقدامات

تحریر: محمد اسداللہ شہزاد

 

رواں سال گندم کی کٹائی کا سیزن آن پہنچا تو کارونا وائرس کا خوف عالمی افق پر چھایا ہوا تھا۔ ہر طر ف بے یقینی اور نفسا نفسی اپنے پیر جما چکی تھی۔ صوبہ بھرمیں کے گند م کی شکل میں سونا اگانے والے کسانوں کی امیدیں دم توڑ تی دکھائی دیتی تھیں اور کسانوں کے چہرے بے رونق ہو کر کسی بھی بڑی ناامیدی کا شکار ہوتے نظر آرہے تھے۔ ایسے میں حضرت شاہ سلیمان ؒکی دھرتی کے فرزند وزیراعلیٰ پنجاب سردارعثمان خان بزدار نے واقعی بڑے ہونے کا حق ادا کردکھایا اور علی الاعلان کہا کہ حکومت پنجاب نہ تو کارونا وائرس سے ڈر کرکسانوں کا تنہا چھوڑے گی اور نہ ہی گندم کٹائی اور خریداری مہم کسی طور متاثر ہوگی۔ بلکہ انہوں نے واضح طور کہا کہ اس سال اوپن پالیسی کے تحت کسانوں سے ان کی گندم کا دانہ دانہ خرید کیا جائے گا اورانہیں کسی صورت بے یار و مدگار نہیں چھوڑا جائے گا۔ جس طرح T-20طرز کے کرکٹ میچ میں موثر اور مثبت نتائج حاصل کرنے کے لیے ہنگامی اور بروقت فیصلے کیے جاتے ہیں ، بالکل ویسے ہی گندم خریداری مہم 2020میں وزیرعلیٰ پنجاب سردار عثمان خان بزدار کی جانب سے ہنگامی اور موثر فیصلے کیے گئے۔ انہوں نے رواں سال گندم کٹائی و خریداری مہم کا آغاز ضلع راجن پور سے کیا جو کہنے کو تو ایک پسماندہ ضلع ہے اور صرف اپنی پسماندگی کے اور چھوٹوگینگ جیسے منفی رحجانات سے پکارا اور تصور کیا جاتا ہے۔ مگر اگر حقیت کی بات کی جائے تو ٹرائی بارڈ ایریا کا مرکز ہونے کے باعث یہ ضلع اپنی ایک کلیدی جغرافیائی حیثیت رکھتا ہے۔ صوبہ سندھ کے بعد ہمہ قسمی فصلات اسی ضلع میں پک کر تیار ہوتی ہیں جنہیں صوبہ پنجاب کے علاوہ باقی صوبوں کے عوام بھی استعمال میں لاتے ہیں اور اپنی غذائی و دیگر ضروریات پوری کرتے ہیں۔ یہاں کی عالمی سطح پر برآمد کی جانے والی فصلوں میں گندم، کپاس، مونگ، پیاز اور سرخ مرچ قابل ِ ذکر ہیں۔

وزیراعلیٰ پنجاب سردار عثمان خان بزدار نے 9اپریل 2020کو صوبہ پنجاب کی سے آخری تحصیل روجھان مزاری کے علاقہ مٹ واہ میں خود روایتی طریقہ سے درانتی سے اور ہارویسٹر چلا کر اور کسانوں میں اپنے ہاتھوں سے باردانہ تقسیم کرکے گندم کٹائی وخریداری مہم کا افتتاح کیا۔ اس موقع پر وزیراعلیٰ عثمان بزدار کا کہنا تھا کہ رواں برس 45لاکھ میٹرک ٹن گندم خریدنے ہدف مقرر کیا گیا ہے۔بہاولپور ڈویژن میں گندم خریداری کا ہدف 853269میٹرک ٹن، ڈیرہ غازی خان ڈویژن میں 752014میٹرک ٹن، ملتان ڈویژن میں 734575میٹرک ٹن، لاہور ڈویژن میں 344798میڑک ٹن، ساہیوال ڈویژن میں 418030میٹرک ٹن، گوجرانوالہ ڈویژن میں 468635میٹرک ٹن، فیصل آباد ڈویژن میں 592531میٹرک ٹن، سرگودھا ڈویژن میں 327808میٹرک ٹن اور راولپنڈ ی میں 8341میٹرک ٹن مقرر کیا گیا ہے۔ کاشتکاروں سے 1400 روپے فی من کے حساب سے گندم خریدی جائے گی جبکہ گندم خریداری کیلئے گرداوری کی شرط پر عمل کرنے کی بجائے پہلے آئیے پہلے پائیے کی بنیاد پر باردانہ کی تقسیم کا اصول لاگوکیا گیا ہے۔گندم خریداری مہم کے دوران 15 بین الصوبائی داخلی اور خارجی راستوں کی مانیٹرنگ کی جا رہی ہے۔ وزیراعلیٰ عثمان بزدار نے مزید کہا کہ کاشتکار ہمارے محسن ہیں، گندم کے دانے دانے اور کاشتکار کی پائی پائی کا تحفظ کریں گے۔کاشتکاروں کی خوشحالی کیلئے پرائم منسٹر زرعی ایمرجنسی پروگرام کے تحت پنجاب میں 300 ارب روپے کے منصوبہ جات لائے جا رہے ہیں۔گندم کی فی ایکڑ پیداوار میں اضافے کیلئے ساڑھے 12 ارب روپے کی لاگت سے پراجیکٹ کا آغاز کیا گیا ہے۔رواں برس کاشتکاروں کو تصدیق شدہ بیج کی 4 لاکھ بوریاں رعایتی نرخ پر فراہم کی گئی ہیں جبکہ اگلی فصل کیلئے بیج کی 12 لاکھ بوریاں دیں گے۔ انہوں نے کہا کہ فصل بیمہ سکیم کا دائرہ کار بڑھا کر اڑھائی لاکھ کاشتکاروں کی فصل کی انشورنس کی گئی ہے۔کاشتکار کی خوشحالی کیلئے پیداواری لاگت کم کرنا بے حد ضروری ہے۔پیداواری لاگت کم کرنے کیلئے 52 لاکھ کاشتکاروں کو کھادوں کی خریداری پر ساڑھے 8 ارب روپے کی سبسڈی دی ہے۔پانی کی کمی کو پورا کرنے کیلئے 28 ارب روپے کی لاگت سے پنجاب میں 10 ہزار کھالوں کو پختہ کیا جا رہا ہے۔ انہوں نے کہا کہ حکومت پنجاب زرعی ترقی کیلئے مختلف سبزیوں، پھلوں اور اجناس کی 80 نئی اقسام متعارف کرا چکی ہے۔غیر معیاری اور جعلی ادویات و کھادوں کے سدباب کیلئے کمپلینٹ مینجمنٹ سسٹم شروع کیا گیا ہے۔ای کریڈٹ سکیم کے تحت کاشتکاروں کو 15 ارب روپے کے بلاسود قرضے دیئے گئے ہیں۔حکومت پنجاب کاشتکاروں کی محنت کی قدردان ہے۔ وزیراعلیٰ عثمان بزدار نے کہا کہ زراعت میں کمبائن ہارویسٹر جیسی جدید مشینوں کے استعمال سے نہ صرف وقت بلکہ سرمائے کی بھی بچت ہوتی ہے۔ اس موقع پر وزیراعلیٰ عثمان بزدار کو بریفنگ میں بتایا گیا کہ رواں سال ایک کروڑ 65 لاکھ زیر کاشت رقبے سے ایک کروڑ 90 لاکھ ٹن گندم کی پیداوار حاصل ہونے کی توقع ہے۔صوبہ میں غذائی ضروریات پوری کرنے کیلئے 29,800 میٹرک ٹن گندم روزانہ فراہم کی جا رہی ہے جبکہ آٹے کے 11 لاکھ 91 ہزار تھیلے مارکیٹ میں فراہم کئے جا رہے ہیں۔ بریفنگ میں بتایا گیا کہ عوام کو آٹے کی فراہمی یقینی بنانے کیلئے فوڈ گرین لائسنس کے بغیر گندم خریداری پر پابندی عائد کر دی گئی ہے اور ذاتی استعمال کیلئے ایک ہزار کلو سے زائد نجی طور پر گندم نہیں خریدی جا سکے گی۔ وزیراعلیٰ پنجاب کی جانب سے کاشتکاروں کے حقوق کے تحفظ کے لیے جو دیگرا قدامات کیے گئے ان میں کاشتکار کو 100بوری گندم کی نقد ادائیگی، فی ایکڑ باردانہ کی مقدار کو تعین نہ ہونا اور کاشتکاروں کی شکایات کے فوری ازالہ کے لیے صوبائی اور ضلعی سطح پر شکایات سیل کا قیام شامل ہیں۔ مزید یہ کہ شکایات بارے رجوع کے لیے صوبہ بھر کے ڈپٹی کمشنروں کے رابطہ نمبر بھی قومی اخبارات اور ٹیلی ویژن پر تشہیر کیے گئے تاکہ کاشتکار اپنے مسائل کے فوری حل کے لیے ٹھوکریں نہ کھاتے پھریں۔ 

ایک طرف وزیراعلیٰ پنجاب سردار عثمان خان بزدار کی جانب سے صوبائی وزراء، مشیران اور معاونین خاص کی مختلف اضلاع میں گندم خریداری مہم کی نگرانی کی ڈیوٹیاں لگائی گئیں جس سے گندم خریداری کا عمل او ربھی موثر اور تیز ہو گیا۔ جن وزراء، مشیران اور معاونین خاص کی ڈیوٹیاں لگائی گئیں اس کے مطابق صوبائی وزیر چودھری ظہیر الدین فیصل آباد، رائے تیمور جھنگ،مہر اسلم چنیوٹ، آشفہ ریاض ٹوبہ ٹیک سنگھ، یاسمین راشدلاہور، ہاشم ڈوگر قصور،ملک اسد ننکانہ او رمیاں خالد شیخوپورہ ، راجہ راشد حفیظ راولپنڈی، حافظ عمار یاسر چکوال، آصف محمود جہلم، ملک انور اٹک،عنصر مجید خان نیازی سرگودھا، ممتاز احمد خوشاب، امیر محمد خان بھکر، میاں محمورالرشید گوجرانوالہ، محمد رضوان گجرات، عمر فاروق حافظ آباد، محمد اجمل منڈی بہاو ¿الدین، پیر سید سعید الحسن شاہ نارووال، محمد اخلاق سیالکوٹ ، ملک نعمان ساہیوال، صمصام بخاری اوکاڑہ، فیصل حیات پاکپتن، سمیع اللہ چودھری بہاولپور، شوکت لالیکا بہاولنگر، محسن لغاری رحیم یارخان،محمداختر ملتان، سید حسین جہانیاں گردیزی خانیوال،زوار وڑائچ لودھراں، جہانزیب کچھی وہاڑی، حنیف پتافی ڈی جی خان، حسنین بہادر دریشک راجن پو ر، عبدالحئی دستی مظفر گڑھ، سید رفاقت گیلانی لیہ میں مانیٹرنگ کے فوکل پرسن مقررکیے گئے۔ جہاں افسران نے گندم خریداری مہم کو کامیاب بنانے کے لیے دن رات ایک کیا وہیں وزیراعلیٰ کی جانب سے مقررکیے گئے فوکل پرسن صوبائی وزرائ، مشیران اور معاونین خاص نے بھی مہم کو کامیاب بنانے کے لیے اپنا فعال کردار ادا کیا۔ تمام فوکل پرسن اپنے متعلقہ ضلع کی انتظامیہ اور محکمہ خوراک کے عملہ کے ساتھ روابط میں رہے اور مہم کو مزید موثر بنانے کے لیے مفید ہدایات دیں۔اور مزید یہ کہ چیف سیکریٹری پنجاب کی جانب سے گندم خریداری مہم کو بروقت اور انتہائی شفاف طریقہ سے مکمل کرنے کے لیے مختلف افسران اور سیکریٹروں کی بھی ڈیوٹیاں لگائی گئیں جنہوں نے تمام اضلاع کے اچانک دورے کیے اور گندم خریداری مہم کی نگرانی کی۔حکومت ِ پنجاب کی اس موثر حکمت عملی سے شفافیت کے ساتھ گندم خریداری مہم کو مکمل کرنے میں بہت مدد ملی۔ دوسری طرف وزیراعلیٰ پنجاب سردار عثمان خان بزدار نے سیاسی بصیرت سے کام لیتے ہوئے سینئر صوبائی وزیر عبدالعلیم خان کو محکمہ خوراک کا قلمدان سونپ دیا جوکہ ایک منجھے ہوئے سیاستدان اور منتظم ہیں۔ جنہوں نے قلمدان سنبھالتے ہی گندم کی غیر قانونی بین الصوبائی منتقلی اور اسمگلنگ کو سختی سے روکا اور واضح اعلان کیا کہ پہلے صوبہ پنجاب کی گندم کی ضروریات پوری کی جائیں گی پھر دوسرے صوبوں کو گندم دی جائیگی۔ مزید یہ کہ محکمہ خوراک کی جانب سے گندم خرید کے اپنے ہدف کے علاوہ سیڈ کمپنیوں کو بھی گندم فراہمی کے لیے معاونت کرے گا۔اب تک صوبہ بھر میں ایک ماہ کے اندر کل ہدف کا تقریباً75فی صد سے زائد ہد ف حاصل کرلیا گیا ہے۔ 

وزیراعلیٰ پنجاب سردار عثمان خان بزدار کی جانب سے گندم کٹائی وخریداری مہم 2020کے افتتاح کے بعد محکمہ خوراک راجن پور کی جانب سے فوکل پرسن گندم خریدار مہم /صوبائی وزیرلائیواسٹاک و ڈیری ڈویلپمنٹ پنجاب سردار حسنین بہادر دریشک، ڈپٹی کمشنر راجن پور ذوالفقارعلی اور ڈسٹرکٹ فوڈ کنٹرولر محمد عمران کی سرپرستی و قیادت میں فوری طور باردانہ کی تقسیم و گندم خرید کرنے کے عمل کا آغاز کردیا گیا۔ ضلع بھر میں 9مختلف مقامات پر گندم خرید مراکز بنائے گئے جن میں راجن پور، فاضل پور، نور پور، مٹھن کوٹ، محمد پور دیوان، کوٹلہ مغلاں، جام پور، عمرکوٹ اور مٹ واہ شامل ہیں۔ ابتدائی طور پر ضلع بھر میں 18لاکھ بوری گندم خرید کرنے کا ہدف مقررکیا گیا جو کہ گذشتہ سال سے 4لاکھ بوری زائد تھا ۔ مگر بعد ازاں گندم کی اچھی پیداوار اور حکومتی احکامات کے مدِ نظر ضلع راجن پور کا ہدف20 لاکھ 56ہزار 970بوری کردیا گیا۔ ہر مرکز پر کسانوں کی آن لائن رجسٹریشن کی گئی اور گردآوری کے عمل دخل کے بغیر اوپن پالیسی کے تحت ضلع بھر میں باردانہ تقسیم کیا گیا۔ ڈپٹی کمشنر راجن پور کی متحرک قیادت میں محکمہ خوراک و مال راجن پور نے گندم خریداری مہم میں ہدف کے حصول کے لیے دن رات کام کرنا شروع کردیا۔ ڈپٹی کمشنر نے خود مختلف مراکز پر چھاپے مارے اور گندم کی خریداری کے عمل کا جائزہ لیا۔ مختلف کسانوں کی طرف سے ملنے والی شکایات کا موقع پر نوٹس لیا ۔ محکمہ خوراک راجن پور کی جانب سے ضلع کے تینوں داخلی و خارجی راستوں شاہ والی تحصیل روجھان، بے نظیر شہید پل مٹھن کوٹ تحصیل راجن پور اور کوٹ طاہر تحصیل جام پور مانیٹرنگ ٹیمیں تعینات کرکے ضلع سے گندم کی دوسرے علاقوں منتقلی کو موثر طریقہ سے روکا کیا گیا۔ اور صرف ایک ماہ کے اندر اندر گندم خریداری مہم کا ہدف 100فی صد سے بھی زائد حاصل کرلیا گیا اور کسانوں کوادائیگیاں بھی تقریباً مکمل کرلی گئی ہیں۔ ڈپٹی کمشنر راجن پور ذوالفقارعلی اس بات کے لیے پُرعزم ہیں کہ اس سال تفویض کردہ ہدف سے بہت زیادہ گندم خرید کی جائے گی جوکہ ضلع کی تاریخ میں ایک ریکارڈ ہوگا۔ اگر بات کی جائے ذخیرہ اندوزوں کے خلاف کاروائی کرنے کی تو پنجاب حکومت کی جانب سے انسداد ذخیرہ اندوزی آرڈینینس2020کے نفاذ کے بعد ڈپٹی کمشنر راجن پور ذوالفقار علی کی جانب سے ضلع بھر کے 23پرائس کنٹرول مجسٹریٹس کو سخت ہدایات جاری کردی گئی ہیں۔ ضلع کی تینوں تحصیلوں راجن پور، جام پوراور روجھان کے اسسٹنٹ کمشنر نے اس حوالے سے کاروائیاں کرکے مختلف مقامات پر غیر قانونی طور پر ذخیرہ کی گئی 1لاکھ بوری سے زائد گندم قبضے میں لے کر محکمہ خوراک کے حوالے کردی ہے۔ اس حوالے سے ڈپٹی کمشنر راجن پور ذوالفقارعلی کا کہنا ہے کہ ذخیرہ اندوزوں کو قبضہ میں لی گئی گندم کی مالیت کا 50فی صد جرمانہ کی مد میں حکومتی خزانے میں جمع کرایا جائے گا جبکہ ذخیرہ اندوزوں کو جیل بھجوایا جائے گا تاکہ ان شر پسند عناصر کی حوصلہ شکنی ہو اور عوام کو صحیح معنوں میں ریلیف فراہم کیا جاسکے۔ 

یہاں یہ امر قابل ذکر ہے کہ کورونا وباءکے باعث مراکز گندم خریداری پر خصوصی انتظامات کئے گئے ، کاشتکاروں کی زندگیوں کے تحفظ کیلئے ضروری ایس او پیز پر من و عن عملدرآمد کیا گیا۔گندم خریداری مراکز پر داخلی و خارجی راستے الگ الگ بنائے گئے، جبکہ کاشتکاروں اور عملے کیلئے ہاتھ دھونے کے انتظامات کئے گئے ہیں۔ ہر گندم خریداری مرکز پرباقاعدگی سے خراثیم کش محلول کا سپرے کیا گیا۔اور کاشتکاروں کے درمیان عملہ میں مناسب فاصلہ رکھنے کویقینی بنایا گیا۔ جہاں مہم کی کامیابی میں فعال کردار اداکرنے کے لیے ضلعی انتظامیہ، محکمہ خوراک اور محکمہ مال بنیادی اہمیت کے حامل ہیں وہیں ایک ایسا ادارہ بھی یقینا مبارکباد کا مستحق ہے جوتمام تر حکومتی اقدامات کو بروقت انتہائی کم وسائل کے ساتھ موثر طریقہ سے عوام الناس تک پہنچانے اور عوامی مسائل کو ارباب اختیار کے نوٹس میں لانے کے لیے سرگرم عمل رہتا ہے وہ ادارہ تعلقات عامہ ، محکمہ اطلاعات و ثقافت حکومت پنجاب ہے۔ اس ادارہ کا ہیڈ آفس ڈائریکٹر جنرل تعلقات عامہ پنجاب اور فیلڈ دفاتر ڈویژنل ڈائریکٹرز و ڈسٹرکٹ انفارمیشن آفیسرز کی سربراہی میں حکومت پنجاب کے عوام کے لیے کیے گئے اقدامات کی موثر تشہیر میں دن رات ایک کیے ہوئے ہیں۔ یہ وہ نہ دکھائی دیئے جانے والے اور بالکل غیر اہم محسوس کیے جانے والے افسران و ملازمین ہیں جن کی بدولت حکومت اور انتظامیہ کا میڈیا کے ساتھ توازن والاتعلق قائم ہے بلکہ عوام کے مسائل بھی بروقت حکومت تک پہنچ جاتے ہیں۔ضلع راجن پورمیں گندم خریداری مہم کو کامیاب بنانے اور حکومتی اقدامات کسانوں اور لوگوں تک بروقت پہنچانے میں محکمہ اطلاعات راجن پور نے بھی اپنا بھرپور حصہ ڈالا ہے۔ 

<script async src="https://pagead2.googlesyndication.com/pagead/js/adsbygoogle.js?client=ca-pub-8225283696374545"
     crossorigin="anonymous"></script>

ڈپٹی سپیکر پنجاب اسمبلی میر دوست محمد مزاری کا کورونا ٹیسٹ مثبت آگیا ، ڈپٹی سپیکر نے تصدیق کردی ڈDupty Speaker Punjab Corona Test positive

ڈپٹی سپیکر پنجاب اسمبلی میر دوست <script async src="https://pagead2.googlesyndication.com/pagead/js/adsbygoogle.js?client=ca-pub-8225283696374545"

     crossorigin="anonymous"></script>

محمد مزاری کا کورونا ٹیسٹ مثبت آگیا ، ڈپٹی سپیکر نے تصدیق کردی تفصیلات کے مطابق ڈپٹی سپیکر پنجاب اسمبلی میر دوست محمد مزاری کا کورونا ٹیسٹ مچبت آ گیا، وہ چند روز قبل بیرون ملک سے واپس آئے تھے، واپسی پر انہوں نے پہلا کورونا ٹیسٹ کروایا جو منفی ایا تھا تاہم اب دوسری بار ٹیسٹ کروانے پر دوست محمد مزاری مین کورونا وائرس کی موجودگی کی تصدیق ہو گئی، ڈپٹی سپیکر دوست محمد مزاری نے اپنے ایک ویڈیو پیغام میں بھی کورونا وائرس سے متاثر ہونے کی تصدیق کردی ہے۔ تاہم ان کا کہنا تھا کہ ٹیسٹ مثبت آنے کے باوجود ان میں کورونا مرض کی علامات موجود نہیں ہیں۔ اور انہوں نے خود کو گھر ہی میں کرنٹائن کر رکھا ہے

کرونا وائرس کی وباء ،،،،، پریشان حال سفید پوش میڈیا ورکرز کا پرسان حال کون؟؟؟( Media workers facing Corona Virus)

 کرونا وائرس کی وباء ،،،،، پریشان حال سفید پوش میڈیا ورکرز کا پرسان حال کون؟؟؟

تحریر: سعید مزاریRindaannews@gmail.com

فون: 03334143061

'' اے ابنِ آدم ایک تیری چاہت ہے ایک میری چاہت ہے، تو ہو گا وہی جو میری چاہت ہے۔ پس اگر تو کردے گا وہ جو میری چاہت ہے تو میں عطا کر دوں گا وہ جو تیری چاہت ہے اور اگر تو کرے گا وہ جو تیری چاہت ہے تو میں تجھے تھکا دوں گا اس میں جو تیری چاہت ہے، پھر بھی ہو گا وہی جو میری چاہت ہے۔'' ( مفہوم حدیث قدسی)

آج کے جدید دور میں کرونا وائرس کی دنیا بھر میں تباہ کاریوں نے اس حدیث قدسی پر مہر ثبت کردی،  ترقی یافتہ ممالک جو خود کو دنیا کا ناخدا سمجھ بیٹھے تھے اور اپنی جدید ٹیکنالوجی اور وسائل کے زعم میں دوسری اور تیسری دنیا کے ممالک اور لوگوں کو کسی خاطر میں نہیں لاتے تھے اللہ تبارک وتعالیٰ نے ایک انتہائی حقیر اور عام آنکھ سے دکھائی تک نہ دینے والے ایک وائرس سے پوری دنیا کی بساط لپیٹ کر دکھا دی۔

اللہ تبارک و تعالیٰ نے اس ایک وائرس سے سب کچھ بدل کر رکھ دیا، انسان کو انسان سے تو دور کر ہی دیا اللہ نے انسانی ذہنوں میں اس معمولی سے وائرس کا ایسا خوف ڈال دیا کہ ہر فرد اپنے ہی سائے سے بھی ڈررہا ہے۔ تادم تحریر دنیا بھر میں کرونا وائرس سے متاثرہ افراد کی تعداد پچیس لاکھ کے لگ بھگ پہنچ چکی ہے جبکہ ڈیڑھ لاکھ سے زائد لوگ  اپنی جانوں سے جا چکے ہیں اور یہ سلسلہ کم ہونے کی بجائے ہر آنیوالے دن کے ساتھ بڑھتا جا رہا ہے۔ دنیا کا کاروبار ٹھپ ہو گیا، بازار، مارکیٹیں، سڑکیں سب ویران ہو گئے ہر طرف خوف کے بادل اور گہرے ہوتے جا رہے ہیں ۔ دنیا میں بڑے بڑے ادارے بند ہو رہے ہیں یا پھر انہوں نے اپنا سٹاف انتہائی محدود کردیا ہے۔ گزشتہ چار ماہ سے دنیا بھر کے سائنسدان، ڈاکٹرز اس آفتِ خدا وندی سے نکلنے کی کوشش کررہے ہیں لیکن تاحال اس مصیبت سے نکلنے کے کوئی آثار نظر نہیں آ رہے۔ اس وقت پوری دنیا اس خطرناک وباء سے بچنے کی جنگ لڑ رہا ہے اس جنگ میں دنیا کا ہر فرد اپنی اپنی حیثیت اور بساط کے مطابق شریک ہے، تاہم ڈاکٹرز اور شعبہ صحافت سے منسلک لوگ کرونا وائرس سے بچاؤ کی اس جنگ میں فرنٹ لائن پر موجود ہیں ۔ ڈاکٹر حضرات ہسپتالوں میں کرونا وائرس سے متاثرہ مریضوں کا علاج کرنے کیلئے کوشاں ہیں اور اس وائرس کا توڑ ڈھونڈنے کیلئے دن رات ایک کیے ہوئے ہیں ۔ دنیا بھر میں ڈاکٹروں کے اس کردار کی ناصرف تعریف کی جا رہی ہے بلکہ کرونا وائرس سے متاثرہ مریضون کا علاج کرنے والے ڈاکٹروں کو ہر طرح کی سہولیات باہم پہنچانے کا بھرپور اہتمام بھی کیا جا رہا ہے۔ پاکستان سمیت کئی ملکوں نے ڈاکٹروں کو خراج تحسین پیش کرنے کیلئے خصوصی اقدامات بھی کیے۔ ڈاکٹروں کیلئے خصوصی کٹس تیار کیے گئے ان کی تنخواہون مین غیر معمولی اضافے کے ساتھ ساتھ مزید مراعات بھی دیئے جا رہے ہیں۔  جو واقعی اچھا ہے ایسا ہونا بھی چاہیے، پاکستان میں بھی ڈاکٹروں کیلئے وفاقی اور صوبائی حکومتوں کی جانب سے بے شمار سہولیات اور مراعات کی فراہمی کیلئے اقدامات اٹھائے گئے ہیں ۔ لیکن اس کے باوجود ڈاکٹر حضرات کی ایک بڑی تعداد ہمیں اب بھی سہولیات کی کمی کا گلہ کرتے ہوئے اور احتجاج کرتے ہوئے دکھائی دیتا ہے۔  کچھ علاقوں اور شہروں کی حد تک ان ڈاکٹرون کے گلے شکوے اور مطالبات جائز بھی ہیں تاہم مجموعری طور پر ڈاکٹروں کو کرونا وائرس کی وباء سے بچاؤ اور ان کی خدمات کے حوالے ان کو ملنے والی سہولیات کم از کم موجودہ حالات میں کافی حد تک مناسب ہیں۔  ڈاکٹروں کے علاوہ دنیا کے دیگر ممالک کی طرح پاکستانی حکومت نے بھی عام شہریوں کیلئے کم و بیش دو ماہ سے جاری لاک ڈاؤن کیلئے ریلیف پیکج کا ناصرف اعلان کیا بلکہ اربوں روپے کے فنڈز مستحق لوگوں کو دے بھی دیئے۔ ملک کے غریب اور مستحق افراد کیلئے اس مشکل وقت میں معمولی ہی سہی لیکن بروقت ملنے والی یہ امداد کسی نعمت سے کم نہیں، ابھی تو وفاقی اور صوبائی حکومتیں اس حوالے سے مزید اقدامات کرنے کے خواہاں ہیں ۔ وفاق اور صوبائی حکومتوں کا اس اہم مسئلے کے دوران بروقت رد عمل اور اب تک کے اقدامات واقعی قابل تعریف ہیں۔

اس سارے معاملے میں یہ بات شدت سے مشاہدے میں آئی ہے کہ کرونا وائرس کے خلاف اس جنگ میں ڈاکٹروں کے بعد دوسرے نمبر پر فرنٹ لائن پر موجود پرنٹ اور الیکٹرونک میڈیا ورکروں کو کم از کم پاکستان میں حکومت اور نجی ادارون کی طرف سے یکسر نظر انداز کیا گیا ہے۔ میڈیا انڈسٹری کے چند ایک لوگوں کے علاوہ صحافتی اداروں کے بیشتر ورکروں کو ان حالات میں بھی بے یارومددگار چھوڑ دیا گیا ہے۔ دنیا کے دیگر ممالک میں میڈیا ورکرز کو باوجود تمام وسائل کی دستیابی کے کرائسز کے وقت  ان کے اداروں سمیت حکومت کی طرف سے بھر پور سپورٹ فراہم کیا جاتا ہے اور ان کو دستیاب سہولیات میں کئی گنا اضافہ کردیا جاتا ہے، لیکن پاکستان میں بدقسمتی سے صورتحال اس سے یکسر مختلف ہے۔ پاکستان میں صحافتی ادارے پہلے ہی بے پناہ مسائل کا شکار ہیں  اور مختلف ادوار میں حکومتوں کی ذاتی پسند اور نا پسند سمیت ناقص پالیسیوں کی وجہ سے بے شمار بڑے اور درمیانے درجے کے ادارے بند ہو گئے اور جو باقی بچے کھچے صحافتی ادارے موجود ہیں  حکومت کی ناقص منصوبہ بندی اور بلا جواز قانونی پیچیدگیوں کی وجہ سے شدید مالی بحران کا شکار ہیں۔ کسی ادارے کے اشتہارات بند ہیں تو کسی کے سر پر آئے روز پیمرا نوٹسز اور جرمانوں کی تلوار لٹک رہی ہے۔ اب رہی سہی کسر کرونا وائرس کی وباء نے پوری کردی پاکستان کے کم و بیش سارے ہی صحافتی ادارے اس وقت تاریخ کے بدترین دور سے گزر رہے ہیں چینلز مالی بحران اور موجودہ لاک ڈاون کی وجہ سے پہلے سے تنگدستی کا شکار ورکروں کو لمبی چھٹیوں پر بھیجنے اور ملازمت سے فارغ کرنے پر مجبور ہیں۔ کئی اخباروں اور چینلز نے اپنا سٹاف  کم کرکے تیس سے چالیس فیصد پر لا کھڑا کردیا۔ اس بحرانی کیفیت میں متعدد ادارے ورکروں کو تین تین چار چار مہینوں کی تنخواہیں تک ادا نہیں کر سکے۔ صحافتی اداروں کے ورکرز جو پہلے ہی بہت زیادہ پریشان تھے اچانک کرونا کی آفت سر پر آجانے سے مزید مشکلات کا شکار ہو گئے۔ سفید پوشی کے بھرم یہ صحافتی ورکرز بدترین حالات کے باوجود اپنے صحافتی فرائض انجام دے رہے ہیں۔ لیکن ستم ظریفی یہ کہ یہ ورکرز اپنا دکھڑا بھی کسی کو نہیں سنا سکتے۔ ان صحافتی ورکروں کے اپنے ادارے چاہتے ہوئے بھی ان کی کوئی مدد کرنے کی پوزیشن میں نہیں ہیں ۔ وفاقی حکومت اور صوبوں نے یوں تو مختلف مواقع پر میڈیا ورکروں کیلئے زبانی جمع خرچ کے طور پر بڑے بڑے اعلانات کر رکھے ہیں تاہم عملی طور پر وہ تمام اعلانات فقط اعلانات ہی رہے، ماسوائے چند منظور نظر افراد کے تمام میڈیا ورکرز حکومت کی طرف سے کسی قسم کے ریلیف سے تاحال محروم ہیں۔ صحافی اور میڈیا ورکروں کو حکومت کی جانب سے کرونا وباء سے بچنے کیلئے جسی قسم کے حفاظتی کِٹس فراہم کیے گئے ہیں اور نہ ہی انہیں کرونا وائرس سے متعلق جاری کردہ کسی ریلیف پروگرام میں شامل کیا گیا۔ صحافتی ورکرز اپنی اور اپنے گھر والوں کی جانیں ہتھیلی پر رکھ کر ناصرف اس کرونا وباء سے فرنٹ لائن پر رہتے ہوئے لڑ رہے ہین بلکہ عوام کو پل پل کی بدلتی ملکی و غیر ملکی صورتحال سے آگاہ بھی کر رہے ہیں ۔ صحافتی ادارون کے ورکرز بھی تو اسی ملک کے باشندے ہیں اور موجودہ لاک ڈاؤن کی صورتحال مین وہ اور ان کے اہلخانہ سمیت بچے بھی شدید متاثر ہو رہے ہیں ۔ جو ورکرز اس بحران کے دوران اپنی نوکریاں گنوا چکے ہیں وہ کن حالات میں ہیں اس کا اندازہ لگانا مشکل ہی نہیں بلکہ ناممکن بھی ہے۔ میڈیا ورکرز میں فطری طور پر سفید پوشی کے بھرم کو قائم رکھنے کا عنصر ہوتا ہے اور ان کی اسی سفید پوشی کو دیکھتے ہوئے اکثر اوقات حکومت ، فلاحی ادارے اور مخیر حضرات بھی دھوکا کھا جاتے ہیں اور یہ سفید پوش ورکرز اکثر اوقات اپنے بچوں کو بھوکا سلانے پر مجبور ہوتے ہیں۔ یہ حال تو ان میڈیا ورکروں کا ہے جو باقائدہ طور پر صحافتی ادارون کے تنخواہ دار ہیں جبکہ دور دراز دیہاتوں اور چھوٹے علاقوں میں موجود او ایس آرز( آؤٹ سورس رپورٹر) اور اعزازی نمائندگان کی حالت زار تو اس سے بھی بدتر ہے۔ کیونکہ ان کو تو ویسے بھی عام حالات میں کوئی سرکاری اور پرائیوٹ ادارہ خاطر میں نہیں لاتا اور نہ ہی میڈیا ورکر تسلیم کرنے کیلئے تیار ہوتا ہے۔ چئہ جائیکہ ان کی کوئی مدد کرے۔ کرونا وائرس کی وجہ سے ہونیوالے لاک ڈاؤن کے باعث اگر کوئی صحافتی ادارے کا ورکر پارٹ ٹائم کوئی چھوٹا موٹا کام کرکے اپنا گزر بسر کر لیتا تھا اب انہیں یہ سہولت بھی میسر نہ رہی۔ عام طور پر دیکھا گیا ہے کہ مقامی انتظامیہ کا رویہ بھی علاقائی صحافیوں کے ساتھ صرف اپنے مطلب کی تکمیل کی حد تک ہی درست رہتا ہے ورنہ تو ان صحافیوں پر اکثر سرکاری اور نجی دفاتر کے دروازے بند ہی ہوتے ہیں ۔

کرونا وائرس کی وباء جس قدر ملک کے دیگر شہروں اور شعبوں کیلئے تباہ کن اور باعث تشویش ہے اسی طرح میڈیا ورکرز بھی اس وباء کے اثرات سے محفوظ نہیں ۔ کئی میڈیا ورکروں میں بھی کرونا وائرس کی تصدیق ہو چکی ہے اور متعدد ایسے ہیں جن کے ٹیسٹ نہ ہونے کی وجہ کرونا کے مرض کو لیے اپنے فرائض کی ادائیگی کر رہے ہیں۔ تو ایسے میں ضروری ہے کہ جس طرض ڈاکٹروں اور دیگر شعبہ کے لوگون کو ان مشکل حالات میں سہولیات اور دیگر مراعات دی جا رہی ہیں اسی طرح ایک جامع منصوبہ بندی کے تحت تمام میڈیا ورکروں کو بھی ضروری سہولیات اور مراعات فراہم کی جائیں، تاکہ وہ بھی ان حالات کا احسن طریقے سے مقابلہ کر سکیں اور اپنے فرائض کی ادائیگی بہتر انداز میں کریں۔ اس حوالے سے سرگرم فلاحی ادارون اور مخیر حضرات کو بھی سفید پوش اور تنگدست میڈیا ورکروں کیلئے ان کی سفید پوشی اور عزت نفس کو ملحوظ رکھتے ہوئے اقدامات کرنے چاہییں جبکہ وفاقی اور صوبائی حکومتوں کو چاہیے کہ وہ فوری طور پر خالی اعلانات کرنے کی بجائے میڈیا ورکروں کی فلاح اور اس مشکل سے نکلنے کیلئے عملی اقدامات کریں تاکہ میڈیا ورکرز اور ان کے اہلخانہ کو بھی لگے کہ وہ بھی اسی ملک اور معاشرے کا حصہ ہیں اور حکومت سمیت سب کو ان کے مسائل کا بھی ادراک ہے۔  

World Press Freedom/ Freedom of Expression Day Reality or Fiction (اظہار رائے کی آزادی، حقیقت یا فسانہ)

اظہار رائے کی آزادی، حقیقت یا فسانہ

تحریر: سعید مزاری 

Email:rindaannews@gmail.com

فون: 03334143061

آج دنیا بھر میں آزادیِ صحافت کا عالمی دن منایا جا رہا ہے۔  اقوام متحدہ نے یونیورسل ڈیکلریشن آف ہیومن رائٹس 1948 کی شق 19 کے تحت ہرسال 3 مئی کو آزادی صحافت کا عالمی دن (پریس فریڈم ڈے ) قرار دے رکھا ہے، اسے آزادیِ اظہارِ رائے کا دن بھی کہا جاتا ہے۔ اس دن کا مقصد دنیا بھر میں صحافت سے جڑے ہوئے لوگوں کی خدمات کا اعتراف کرنا اور اظہار رائے کی ازادی کیلئے کوششیں کرنے والے اور اس مقصد کیلئے قربانیاں دینے والوں کو خراج تحسین پیش کرنا ہے۔ 1991 میں افریقی اخبارات کے صحافیوں نے آزاد صحافت کے حوالے سے کچھ اصول وضع کیے جو بعد ازاں وقتاً فوقتاً کچھ تبدیلیوں کے ساتھ قابل استعمال قرار پاتے رہے۔

آزادی اظہار رائے یا پھر آزادی صحافت کیلئے جدو جہد ایک طویل عرصے سے جاری ہے اور آج بھی دنیا میں 63 فیصد سے زائد ممالک میں صحافت اور اظہار رائے پر کسی نہ کسی طرح پابندی عائد ہے۔ دنیا کی مختلف صحافتی تنظیمیں آزادی صحافت اور آزادی اظہاررائے کیلئے مسلسل جدوجہد میں مصروف ہیں۔ لیکن یہ بھی ایک تلخ حقیقت ہے کہ دنیا کی بیشتر حکومتیں آزاد صحافت اور رائے کی آزادی کو ناپسند کرتی ہیں۔ باوجود اس کے کہ زبانی کلامی طور پر اس حوالے سے بڑے بڑے دعوے اور اعلان کیے جاتے ہیں عملی طور پر مقتدر حلقہ صحافت کو اپنی مٹھی میں بندکرکے رکھنے کا خواہشمند ہی دکھائی دیتا ہے۔ اور اپنی اس خواہش کی تکمیل کیلئے مختلف حیلے بہانوں سے ایسے ہتھکنڈے، قوانین اور اصول بروئے کار لاتے ہیں جن کی وجہ سے ناصرف کسی بھی صحافی یا صحافتی ادارے کیلئے آزادانہ طور پر کام کرنا مشکل ہوتا ہے بلکہ کسی بھی عام شہری کیلئے بھی اپنی رائے کا آزادانہ اظہار ممکن نہیں رہتا۔ اگر پھر بھی کوئی ادارہ ، صحافی یا کوئی شہری جراؑت کا مظاہرہ کرے اور مقتدر حلقوں یا ان کے زیرانتظام اداروں سے متعلق حقائق عوام  کے سامنے لے آئے اور ان کے غلد اقدامات پر تنقید کرے تو ایسے لوگوں اور اداروں کومقتدر اور طاقتور حلقوں کی طرف سے بے شمار سختیوں اور مسائل سے دوچار کردیا جاتاہے۔ انسانی حقوق کے طے شدہ قوانین کے مطابق دنیا کے ہر فرد کواپنے ارد گرد کے حالات سے باخبر رہنے اور اپنی رائے کے اظہار کی آزادی کا حق حاصل ہے۔ لیکن دنیا کی آمرانہ سوچ کی حامل حکومتوں اور شخصیتوں کو اظہاررائے کی آزادی اور لوگوں کو باخبر رکھنا انتہائی ناگوار گزرتا ہے۔ اس لیے ایسی حکومتیں ،اور شخصیات اداروں اور صحافیوں کو ڈرانے دھمکانے سمیت حکومتی اقدامات پر تنقید کرنے والوں کو ٹارگٹ کرتے ہوئے پریشان کرتے ہیں۔

سال 2020 کا آغاز ہی مختلف ممالک میں غیرجانبدارانہ رائے کا اظہار کرنے والے افراد اور صحافیوں کے خون سے ہوا ایک رپورٹ کے مطابق جنوری سے اپریل تک 7 صحافی اپنے فرائض کی ادائیگی کرتے ہوئے اپنی زندگیوں سے ہاتھ دھو بیٹھے۔ لوگوں کو حقائق کی آگاہی دینے کے دوران جانبحق ہونے والوں میں عراق اور شام سے 2،2 جبکہ پاکستان،سومالیہ، پیراگوئے سے ایک ایک صحافی شامل ہیں۔

گزشتہ کئی سالوں کی رپورٹس کے مشاہدے کے بعد یہ بات واضح ہے کہ آزادی اظہار رائے یا پریس فریڈم کے حوالے سے ترقی پذیر ممالک کی نسبت ترقی یافتہ اور خود کو انسانی حقوق کا علمبرادر سمجھنے والے امریکہ، چین اور بھارت جیسے ممالک اظہار رائے اور میڈیا کی آزادی کو سلب کرنے میں زیادہ  آگے ہیں۔ صحافیوں کے حقوق کیلئے کام کرنے والی بین الاقوامی تنظیم کمیٹی ٹو پروٹیکٹ جرنلسٹس ( سی پی جے) کی طرف سے صحافیوں اور اظہار رائے کی آزادی کے حوالے سے دس انتہائی برے ممالک کی فہرست میں چین کا پانچواں نمبر ہے جبکہ اس لسٹ میں ایریٹیریا پہلے، جنوبی کوریا دوسرے،ترکمانستان تیسرے اور سعودی عرب چوتھے نمبر پر موجود ہے سی پی جے کی لسٹ میں ساتویں نمبر ایران بھی دکھائی دے رہا ہے۔ جبکہ ایک اور رپورٹ کے مطابق امریکہ میں پریس فریڈم گزشتہ پانچ سالوں کی نسبت ٹرمپ دور میں زیادہ متاثر ہوا اور یہ پریس فریڈم اور اظہار رائے کے حوالے سے انتہائی برا وقت ہے۔

دنیا بھر میں آزادی اظہار رائے کے حوالے سے بلند و بانگ دعووں کے باوجود 1992 سے اپریل 2020 تک 1370 صحافی قتل ہوئے۔ ان سالوں میں 2009 کو صحافیوں کیلئے سب سے زیادہ خطرناک قرار دیا گیا کیونکہ 2009 میں 76 صحافیوں کو فرائض کی ادائیگی کے دوران قتل کیا گیاجبکہ دوسرے نمبر پر 2012 اور 2013 کے سالوں کو صحافیوں کا قاتل سال کہا جا سکتا ہے ان دو سالوں کے دوران 148 صحافیوں کا قتل ہوااسی طرح 2015 میں بھی 73 صحافیوں کو پیشہ ورانہ فرائض کی انجام دہی کے دوران اپنے جان کی قربانی دینی پڑی۔  1992 سے اپریل 2020 تک 872 صحافیوں کے قتل کے ایسے کیسز ہیں جو کئی سال گزر جانے کے باوجود التوا کا شکار ہو کرابھی تک کسی منتقی انجام کو نہیں پہنچے۔ امریکہ اور چین میں صحافیون کیلئے آزادانہ طور پر کام کرنا مشکل ہی نہیں بلکہ ناممکن ہو چکا ہے۔ امریکی صدر ٹرمپ اور ان کی حکومت ان دنوں صحافیوں اور صحافتی اداروں کے ساتھ مکمل طور پر برسرپیکار دکھائی دیتےہیں۔ نشریاتی اداروں اور صحافتی تنظیموں کے مطابق صدر ڈونلڈ ٹرمپ نے ان دنوں پریس فریڈم اور اظہار رائے کی آزادی کو جس طرح سلب کررکھا ہے اس کی امریکی تاریخ میں گزشتہ 20 سالوں میں مثال نہیں ملتی۔ صحافیوں کو مختلف اوقات میں صدر ٹرمپ کی طرف سے دھمکیاں دینے اور عوامی مقامات پر صحافیوں کی تذلیل کرنے کے واقعات ریکارڈ پر موجود ہیں۔  اسی طرح چین میں بھی صحافتی اداروں اور سوشل میڈیا پر اظہار رائے کی آزادی کے حوالے سے بے شمار پابندیوں کا سامنا ہے اور یہ چیز عام دیکھنے میں آئی ہے کہ چینی حکومت براہ راست صحافتی اداروں اور اظہار رائے کے پلیٹ فارمز کے معاملات میں دخل اندازی کرتی ہے اور وہاں پر سیلف سینسرشپ کا تناسب دیگر ممالک کے مقابلے میں بہت زیادہ ہے۔  اظہار رائے اور پریس فریڈم کے حوالے سے کام کرنیوالے ایک بین الاقوامی ادارے فریڈم ہاؤس کی ایک سینئر ریسرچ ڈائریکٹر سارہ ریپیوسی نے کچھ عرصہ قبل جاری کردہ ایک رپورٹ میں باقاعدہ انکشاف کیا کہ پریس فریڈم اور آزادی اظہار رائے کے حوالےسے بڑے بڑے دعوے کرنیوالے ملک بھارت میں وہاں کی برسراقتدار پارٹی بھارتیہ جنتا پارٹی ( بی جے پی) باقاعدہ طور پر ان مہمات اور اقدامات کی سپورٹ کرتی ہے جو حکومتی غلط اقدامات سے متعلق حقائق کو سامنے لانے والے اور سچائی پر مبنی تنقید کرنے والے صحافیوں کو ڈرانے دھمکانے اور تشدد کرنے کیلئے منظم انداز میں شروع کیے جاتے ہیں معروف ریسرچر اور تجزیہ نگار سارہ ریپیوسی اپنی رپورٹ میں لکھتی ہیں کہ بھارتی وزیراعظم نریندر مودی بذات خود اکثر صحافیوں کو حکومتی مرضی کی خبریں چلانے کیلئے ہدایات دیتے ہیں۔ فریڈم ہاؤس نے لکھا کہ دنیا کی کوئی بھی حکومت جب کوئی غیر جمہوری قدم اٹھانے لگتی ہے یا اٹھاتی ہے تو وہ سب سے پہلے میڈیا کو کنٹرول کرکے ان کی آزادانہ کام کرنے کا حق سلب کرنے کی کوشش کرتی ہے۔ رپورٹ میں لکھا ہے کہ 2017 میں ایک ملیشئین صحافی کو فقط اس لیے قتل کردیا گیا کہ اس نے سیاستدانوں کی کرپشن کو نقاب کیا تھا۔ اس رپورٹ میں یہ بھی قرار دیا گیا کہ امریکہ، وسطی ایشیا، اور افریکی ممالک میں 2014 سے لیکر 2019 تک اظہاررائے کی آزادی یا آزادی صحافت کے حوالے سے حالات میں فقط 3 فیصد کا فرق ہی دیکھنے میں آیا۔  مشرقی ایشیا کے حوالے سے اسی ادارے کی ایک اور سینئر ریسرچر سارہ کاک نے اپنی رپورٹ میں چین میں صحافتی اداروں میں سرکاری مداخلت میں مسلسل اضافے پر انتہائی تشویش کا اظہار کیا۔

آزادی اظہار رائے کی سلبی میں یوں تو بھارت ہمیشہ سے ہی آگے رہا تاہم نریندر مودی کے دوبارہ وزیراعظم منتخب ہونے کے بعد آزادی رائے کو دبانے کے واقعات میں بے تحاشہ اضافہ دیکھنے میں آ رہا ہے۔ انتہا پسندانہ سوچ اور پرتشدد مزاج کے حامل مودی سرکار بھارت میں کئی سالوں سے مکین سکھ ، مسلمان اور دیگر اقلیتوں کے ساتھ جو ظلم اور بربریت روا رکھے ہوئے ہے وہاں کے کسی فرد، ادارے یا صحافی کو اس ظلم و بربریت کی آزادانہ رپورٹنگ کی قطعی اجازت نہیں ہے۔ بلکہ بھارتی حکومت نے صحافتی اداروں سے بڑھ کر سوشل میڈیا پر بے شمار پابندیاں عائد کررکھی ہیں اور خلاف ورزی کرنے پر انسانی حقوق کے برعکس سخت ترین سزائیں دینے کے واقعات عام ہیں ۔  مقبوضہ کشمیر میں بھارتی ریاستی دہشتگردی کو منظر عام پرآنے سے روکنے کیلئے بھارتی فوج اور حکومت وہاں کے صحافیوں کو آئے روز تشدد کا نشانہ بناتی اور ان کی نقل وحمل پر پابندیوں سمیت فون اور انٹر نیٹ کے استعمال پر بھی پابندیاں لگاتی رہتی ہے۔ اظہار رائے کی آزادی اور پریس فریڈم کے حوالے سے پاکستان کی تاریخ بھی کچھ ٹھیک نہیں ہے۔ پاکستان میں 1994 سے اب تک 70 کے قریب صحافیوں کو قتل کردیا گیا، فریڈم نیٹ ورک نامی تنظیم نے انکشاف کیا کہ مئی 2019 سے اپریل 2020 تک 90 سے زائد صحافیوں پر تشدد اور حملوں کے واقعات ہو چکے ہیں فریڈم نیٹ ورک کے مطابق اس دوران سب سے زیادہ تشدد کے واقعات وفاقی دارالحکومت اسلام آباد میں پیش آئے جن کی تعداد 34 ہے جبکہ دوسرے نمبر پر سندھ میں صحافیوں پر تشدد کے 24، پنجاب میں 20، خیبر پختونخوا میں 13 اور بلوچستان میں 3 واقعات رونما ہوئے۔

 فروری 2020 میں پاکستانی حکومت نے بڑی خاموشی کے ساتھ سوشل میڈیا سے متعلق قانون نافذ کردیا جس کے بعد صحافیوں اور سوشل میڈیا صارفین کیلئے حکومتی اقدامات پر تنقید کرنا بہت مشکل ہو گیا۔ گزشتہ سال دسمبر میں نصراللہ چوہدری نامی صحافی کو دہہشتگردی کی عدالت نے ممنوعہ مواد کی تشہیر کے الزام میں پانچ سال قید کی سزا سنا دی۔ اسی طرح حکومت اور اس کے حامی اسٹیبشمنٹ پر تنقید کرنے کی وجہ سے معروف صحافیوں حامد میر، سلیم سافی، منیزہ جہانگیر، شاہ زیب خانزادہ سمیت متعدد اینکروں کے پروگرام بند اور سینسر کردیئے گئے۔ فروری 2020 میں سندھ کا ایک صحافی عزیز میمن کا مبینہ قتل ہوا جس کا تاحال یہ طےنہیں کیا جا سکا کہ عزیز میمن کو قتل کیا گیا یا پھر اس کی موت کسی اور وجہ سے ہوئی۔سی پی این ای کی گزشتہ سال جاری کردہ ایک رپورٹ میں بتایا گیا کہ گزشتہ سال پاکستان میں 60 صحافیوں پر انسداد دہشتگردی ایکٹ کے تحت مقدمات قائم کیے گئے ۔ سرکاری محکموں کے تقریباً تمام دفاتر میں حقائق کو چھپانے کیلئے صحافتی اداروں کے نمائندوں کے داخلے پر پابندی عائد ہے۔ کسی صحافی کو کسی ادارے میں ماسوائے اپنے مطلب کی رپورٹنگ کے موبائل کیمرہ تک لیجانے کی اجازت نہیں دی جاتی۔ حکومت کے نامناسب اقدامات اور متنازعہ پالیسیوں پر تنقید کرنے کے جرم میں پیمرا آئے روز ٹی وی چینلز کو نوٹسز اور جرمانے کرتا رہتا ہے۔ اس کے علاوہ اظہار رائے کی آزادی کو کم کرنے کیلئے موجودہ حکومت نے نئے اخبارات اور میگزینوں کے دیکلریشن کے اجراء پر بلاجواز پابندی عائد کررکھی ہے۔ اور چھوٹے اخباروں اور ادارون کو اشتہارات کی بندش اور ان کے واجبات کی عدم ادائیگی ان اداروں میں کام کرنے والے ورکروں کے بنیادی حقوق کو متاثرکرنے اور انہیں آزادنہ طور پر اپنی رائے کے اظہار سے روکنے کی کوشش ہے۔

بین الاقوامی اخبار گارڈین نے حال ہی میں اپنی ایک رپورٹ میں پاکستان کی موجودہ حکومت کو سخت تنقید کا نشانہ بناتے ہوئے لکھا کہ عمران خان کی حکومت پر تنقید کرنے کا مطلب اخبار یا چینل کو بند کرنا ہے۔  گارڈین نے عمران خان کے دور حکومت میں میڈیا  اور اظہار رائے کی آزادی پر پابندیوں کو ایوب خان اور ضیاء الحق کے دور آمریت سے بھی زیادہ بدتر اور خطرناک قرار دیا۔ آزادی رائے یا آزادی صحافت کے اس عالمی دن کے موقع پر ایکبار پھر دنیا بھرسے بڑے بڑے دعوے اور اعلانات سامنے آئینگے اور تقریباً تمام ممالک کے سربراہان اور ذمہ داران آزادی رائے کی مکمل فراہمی کا اعادہ کرتے ہوئے نظر آئینگے لیکن حقیقت میں دنیا کے آمرانہ سوچ کے حامل حکمران کبھی بھی پریس فریڈم یا رائے کے اظہار کی آزادی کیلئے ٹھوس اقدامات نہیں اٹھائینگے۔ اب تک کے جو حالات اور اعداوشمار ہمارے سامنے ہیں اگلے سال ان میں بے بے انتہا اضافہ دیکھنے کو ملے گا۔ کیونکہ وقت بدل رہا ہے لیکن حکمران طبقے کی سوچ وہی ہے اور خود صحافتی حلقے بھی اپنی آزادی کا دفاع کرنے میں اس حد تک مؤثر انداز میں کام کرتے ہوئے دکھائی نہیں دے رہے جو موجودہ حالات کے مطابق وقت کی ضرورت ہے۔

لبرلینڈ پاکستان کوتوانائی کے بحران سے نکالنے میں ہر ممکن مدد کرے گا, ڈاکٹر طارق عباسی

لبرلینڈ پاکستان کوتوانائی کے بحران سے نکالنے میں ہر ممکن مدد کرے گا ، پاک لبرلینڈ چیمبر آف کامرس کا قیام عمل میں لایا جائے گا ۔ سٹیٹ سیکرٹری لبرلینڈ ڈاکٹر طارق عباسی
لبرلینڈ پاکستان کے تعلیمی سیکٹرمیں سرمایہ کاری کر کے پاکستان میں تدریسی شرح کو بڑھانے میں تعاون کرے گا ، قونصل جنرل پاکستان فیصل بٹ

لاہور (نمائندہ ہمارا مقصد) یورپ کے نقشے پر ابھرنے والے نئے ملک ”لبرلینڈ“ کے سٹیٹ سیکرٹری ڈاکٹر طارق عباسی اور پاکستان میں تعینات لبرلینڈ کے قونصل جنرل فیصل بٹ نے لاہور پریس کلب میں پریس کانفرنس سے خطاب کیا ۔
پریس کانفرنس میں قونصل جنرل پاکستان فیصل بٹ نے لبرلینڈ کا تفصیلی تعارف بیان کیا ۔ بعد ازاں سٹیٹ سیکرٹری ڈاکٹر طارق عباسی نے لبرلینڈ کی اہمیت کو اجاگر کیا ۔ اپنے خطاب میں ڈاکٹر طارق عباسی کا کہنا تھا کہ لبرلینڈ یورپین پارلیمنٹ میں اپنا اہم مقام بنا چکا ہے جسکا منہ بولتا ثبوت USA Libertarian Party اور UK Libertarian Party کی مکمل حمایت حاصل ہے ۔ لبرلینڈ کو تسلیم کرنے کے حوالے سے انکا کہنا تھا کہ اب تک 14 ممالک لبرلینڈ کو تسلیم کرنے کے لیے تیار ہیں لیکن ابھی ہم ان ممالک کے نام عیاں نہیں کر سکتے ، وقت کو بھانپتے ہوئے ان ممالک کے نام ظاہر کر دیے جائیں گے ۔
انکا کہنا تھا کہ صومالیہ سفارتی طور پر لبرلینڈ کو تسلیم کرچکا ہے دریں اثناء لبرلینڈ اور صومالیہ کے درمیان تجارتی و اقتصادی روابط قائم ہو چکے ہیں ، اسکے علاوہ لبرلینڈ صومالیہ کو بنکنگ ، ای کامرس ، کرپٹو کرنسی اور انرجی سیکٹر ز میں تعاون کر رہا ہے ۔
ڈاکٹر طارق عباسی کا کہنا تھا کہ لبرلینڈ UNPO(Unrepresented Nations and Peoples Organization) میں آبزرور کے طو پرر موجود ہے ۔ انکا مزید کہنا تھا کہ پوری دنیا میں لبرلینڈ کے 106 آپریٹنگ دفاتر موجود ہیں جو لبرلینڈ کی نمائندگی کر رہے ہیں۔
پاکستان میں تعینات لبرلینڈ کے قونصل جنرل ”فیصل بٹ“ کا کہنا تھا کہ لبرلینڈ ریاستی بالادستی کے قیام کے لیے Montevideo conventionکے آرٹیکل 1 کے مطابق اپنی اہلیت مکمل کر چکا ہے ۔
پاکستان کے ساتھ تعلقات کے حوالے سے بات کرتے ہوئے فیصل بٹ کا کہنا تھا کہ پچھلے دور حکومت میں وزیر خارجہ نہ ہونے کی وجہ سے لبرلینڈ اور پاکستان کے سفارتی تعلقات قائم نہ ہوسکے ۔ لبرلینڈ اور پاکستان کے سفارتی تعلقات قائم کرنے کے لیے موجودہ وزیر خارجہ کے ساتھ معاملات طے کرنے کی کوشش کر رہے ہیں ۔
پاکستان میں سرمایہ کاری کے حوالے سے بات کرتے ہوئے انہوں نے کہا کہ لبرلینڈ پاکستان کو توانائی کے بحران سے نکالنے کے لیے ہر ممکن تعاون کرے گا ۔ انکا کہنا تھا کہ پاکستان کے ہنر مند افراد پوری دنیا میں اپنی صلاحیتوں کا لوہا منوا چکے ہیں ، لبرلینڈ کے انفرا سٹرکچر میں پاکستانی ماہرین کی خدمات لی جائیں گے ۔ جس سے پاکستان کی اکانومی بہتر ہوگی، یہ اقدام بیروزگاری کے خاتمے میں معاون ثابت ہو ں گے۔ انکا مزید کہنا تھا کہ لبرلینڈ پاکستان میں سرمایہ کاری کو فروغ دے گا ، پاکستان کا شمار ترقی پذیر ممالک میں ہوتا ہے ، لبرلینڈ پاکستان جیسے ممالک میں سرمایہ کاری کرکے ترقی یافتہ ممالک کی فہرست میں شامل کروانے کی کوشش کرے گا ۔
انکا کہنا تھا کہ لبرلینڈ پاکستان چیمبر آف کامرس کا قیام عمل میں لایا جائے گا جس سے پاکستان اور لبرلینڈ کے درمیان تجارتی سرگرمیوں کو فروغ ملے گا ۔ قونصل جنرل کا کہنا تھا کہ وہ پاکستانی کمپنیاں جو یورپ میں سرمایہ کاری کرنے کی خواہشمند ہیں انہیں چاہیے کہ وہ لبرلینڈ کی وساطت سے خود کو رجسٹرڈ کروائیں تاکہ انہیں یورپ میں بھاری بھرکم ٹیکس سے چھٹکارہ مل سکے ۔ انکا کہنا تھا کہ لبرلینڈ یورپ میں واحد ملک ہے جو ٹیکس فری سرمایہ کاری کے مواقع فراہم کرہا ہے ۔ انکا کہنا تھا کہ لبرلینڈ پاکستان میں نا صرف Block Chain Technology متعارف کروائے گا بلکہ پاکستان کو اپنی کرپٹو کرنسی لانچ کرنے میں بھی معاونت کرے گا ۔ قونصل جنرل فیصل بٹ کا کہنا تھا کہ لبرلینڈ پاکستان کے تعلیمی اداروں میں سرمایہ کاری کرکے شرح خواندگی کو بڑھانے میں مدد کرے گا ۔ آخر میں قونصل جنرل نے عوام کو آسان شرائط پر لبرلینڈ کی شہریت حاصل کرنے کی متعلق بتایا ۔