نواز شریف کل نہیں آج واپس آئے، شہباز شریف سے ہاتھ ملانا شریک جرم ہونا سمجھتا ہوں۔ حکومت سے نکل گیا تو مخالفین کیلئے زیادہ خطرناک ثابت ہونگا۔ وزیراعظم عمران خان

وزیاعظم عمران خان کا کہنا ہے کہ حکومت سے نکل گیا تو زیادہ خطرناک ہوں گا،سڑکوں پر نکل آیا تو اپوزیشن کو کہیں چھپنے کی جگہ نہیں ملے گی، نواز شریف کل نہیں آج واپس آ جائیں۔ ان واپسی کی دعا مانگتا ہوں۔

وزیراعظم کی وارننگ،،، "آپ کا وزیراعظم آپ کے ساتھ  " پروگرام کے تحت عوام سے براہ راست گفتگو میں کہا ،، عوام صرف میرے ساتھ ہے،   مہنگائی کے باوجود عوام اپوزیشن کاساتھ دینے  کوئی باہر نہیں آئے گا،   نہ صرف یہ بلکہ اگلی مدت بھی پوری کریں  گے،،،  سب سے بات کرنے کےلئے تیار ہوں، لیکن مجرموں سے مفاہمت کروں گا نہ  این آر او  دوں گا، نوازشریف کی ڈیل کی  باتیں شوشہ ہیں، پارٹی بچانے کیلئے ایسی باتیں کر رہے ہیں، انتظار کررہاہوں نواز شریف پاکستان واپس آئيں، پلیز واپس آئیں۔ 

شہباز شریف کو اپوزیشن لیڈر نہیں ، قوم کا مجرم سمجھتا ہوں،شہباز شریف سے  ملاقات کروں گا نہ  ہاتھ ملاؤں گا،کپتان کی للکار، پارلیمنٹ میں اُن کی گھنٹوں تقریر کا مقصد  جاب ایپلی کیشن ہے. وزیراعظم عمران خان نے مخالفین کو خبردار کیا کہ وہ مخالفین کیلئے حکومت سے باہر ہونے پر زیادہ خطرناک ثابت ہونگے۔ 

آئی ایم ایف کی ہدایات حکومت عوام پر مہنگی بجلی گرانے کیلئے تیار۔

اسلام آباد:آئی ایم ایف کی شرائط پر بجلی مزید مہنگی کرنے کی تیاری۔ اس بار بجلی کے بنیادی ٹیرف میں مزید 95 پیسے تک فی یونٹ اضافے کی تجویز دی گئی۔

 حکومت کی طرف سےگھریلو صارفین کیلئے بجلی 95پیسے مہنگی کرنے کی درخواست کی گئی ہے۔ بجلی کی قیمت بڑھانے سے متعلق نیپرا اتھارٹی حکومتی درخواست پر آج (سوموار) سماعت کرے گی۔ حکومتی درخواست کے مطابق بجلی صارفین کے مختلف سلیبز کیلئے فی یونٹ بجلی 8سے 95پیسے تک مہنگی کرنے تجویز دی گئی۔ بجلی 100یونٹ تک استعمال کرنیوالے صارفین کیلئے فی یونٹ 8 پیسےاضافے کی اضافہ ہوگا جبکہ101-200یونٹ تک استعمال پر فی یونٹ 18 پیسے فی یونٹ بڑھائے جائینگے۔ 201سے  300یونٹ استعمال کرنیوالوں کیلئے فی یونٹ 48 پیسے اضافے کی تجویز ہے اسی طرح 301سے 700 یونٹ تک بجلی استعمال کرنیوالوں کیلئے فی یونٹ 95پیسے اضافہ کیا جائے گا۔ 

اس کے ساتھ ہی حکومت کی جانب سے مجموعی طور پر 20ارب روپے کی سبسڈی ختم کرنے کی تجویز بھی دی گئی ہے۔  نیپراسماعت کے بعدقیمتوں میں اضافے کا فیصلہ کرےگا۔ دوسری جانب سی پی پی اے کی جانب سے بھی ماہ دسمبر کے بل میں فیول ایڈجسٹمنٹ کی مد میں فی یونٹ ایک روپے 95 پیسے تک کا بوجھ صارفین پر ڈالنے کی تجویز زیر غور ہے۔ مجموعی طور پر صارفین کو دو روپے سے تین روپے تک فی یونٹ مہنگی بجلی کا سامنا کرنا پڑ سکتاہے۔

سرائے عالمگیر میں سعودی عرب پلٹ خاتون چارر بچوں سمیت لاپتہ۔ وزیراعلی پنجاب نے تمام افراد کی بازیابی کا حکم دے دیا

سرائے عالمگیر عالمگیرمیں بیرون ملک سے پاکستان واپس آنے والی پوری فیملی لاپتہ ہوگئی۔

لاپتہ ہونیوالی سعودی پلٹ خاتون اپنے 4 بچوں سمیت 18 جنوری کو لاپتہ ہوئی

لاپتہ ہونیوالے بچوں میں 14 سالہ ابراہیم، 6 سالہ ارحم جبکہ بیٹیوں میں 13 سالہ وردا سجاد اور 9 سالہ نرمین سجاد بھی شامل ہیں

بچوں کے والد کے مطابق اس کی اہلیہ بچوں بچوں کے ساتھ شاپنگ کےلئے گئی اور واپس نہیں لوٹی،

متاثرہ خاندان کے سربراہ اور لاپتہ بچوں کے والد سجاد کا کہنا تھا کہ "میں سعودی عرب تھا جب فیملی کے لاپتہ ہونے کا علم ہوا۔"

پاکستان پہنچتے ہی تھانے میں ایف آئی آر درج کرائی،سجاد نے پولیس کاکردگی سے مایوسی کا اظہار کرتے ہوئے کہا کہ واقعے واقعےکو 6 دن گزر جانے کے باوجود بھی پولیس کچھ نہیں کر رہی۔

سجاد کے مطابق اس کی بیوی سائرہ سجاد کا نمبر بھی مسلسل بند جا رہا ہے، جبکہ مزکورہ لاپتہ افراد نے 22 جنوری کو واپس سعودی عرب جانا تھا۔

تفتیشی افسر محمد اسلم کے مطابق مقدمہ سٹی سرائے عالمگیر میں درج ہے

پولیس مصروف تفتیش ہے، مغویوں کی تلاش جاری ہے، جبکہ مدعی مقدمہ سجاد کی جانب سے نامزد ملزم نے عبوری ضمانت کروا رکھی ہے۔ واقعے پر وزیراعلی پنجاب عثمان بزدار نے نوٹس لیتے ہوئے ہوئےرپورٹ طلب کرلی۔

کراچی میں آٹے کی قیمتیں بلند ترین سطح پر پہنچ گئیں۔

کراچی میں آٹے کی قیمتیں بلند ترین سطح پر پہنچ گیاکراچی میں آٹے کا 20 کلو کا تھیلا 1550 روپے تک پہنچ گیا۔ایک ہفتے میں کراچی میں آٹے کا تھیلا 50 روپے تک مہنگا ہوا۔ کراچی کے شہری ملک میں سب سے مہنگا آٹا خریدنے پر مجبور۔ 

سرکاری دستاویزات میں بتایا گیا کہ ایک ہفتے میں سکھر اور لاڑکانہ میں آٹے کا تھیلا 40 روپے تک مہنگا کردیا گیاحیدرآباد میں آٹے کا 20 کلو کا تھیلا 20 روپے تک مہنگاہو گیا ہے۔

کوئٹہ میں آٹے کا 20 کلو کا تھیلا 10روپے تک مہنگا ہوا دستاویز میں انکشاف کیا گیا کہ حیدرآباد میں آٹے کا 20 کلو کا تھیلا 1480 روپے تک پہنچ گیاکوئٹہ میں آٹے کا 20 کلو کا تھیلا1450 روپے تک میں فروخت ہورہا ہے۔

سکھر میں آٹے کے 20 کلو تھیلے کی قیمت 1420 روپے تک ہوگئی دستاویز کے مطابق لاڑکانہ,خضدار میں آٹے کے تھیلے کی قیمت 1400 روپے تک ہے جبکہ اسلام آباد, راولپنڈی میں آٹے کا تھیلا 1100 روپے میں فروخت ہورہا ہے۔ ادارہ شماریات کے مطابق گجرانوالہ,سیالکوٹ,لاہور میں آٹے کا تھیلا 1100 روپے تک میں فروخت دستاویز 

 فیصل آباد,سرگودھا میں آٹے کا 20 کلو تھیلا 1100 روپے تک مل رہا ہے۔ جبکہ ملتان, بہاولپور, پشاور, بنوں میں بھی آٹے کاتھیلا 1100 روپے تک میں دستیاب ہے۔

شعبہ ہوابازی کا ایک اور پاکستانی ائیرلائن کو آپریشنل کرنے کا فیصلہ۔ وفاقی کابینہ سے منظوری کے بعد کیو ائیرلائن کو لائسنس جاری کیا جائے گا۔

شعبہ ہوابازی کا ایک اور پاکستانی ائیرلائن کو آپریشنل کرنے کا فیصلہ۔ وفاقی کابینہ سے منظوری کے بعد کیو ائیرلائن کو لائسنس جاری کیا جائے گا۔

حکومت پاکستان ایوی ایشن ڈویژن کا اہم قدم 

نجی شعبہ میں چلنے والی ایک اور ملکی ایئرلائن کو آپریشن کی اجازت دینے کا فیصلہ 

کیوایئر لائن کے فضائی آپریشن کی منظوری وفاقی کابینہ 25جنوری کو دے گی۔ وفاقی کابینہ کی منظوری کے بعد  کیو ایئر لائن کو سی اے اے کا ریگولر پبلک ٹرانسپورٹ آر پی ٹی لائسنس اجراء کیا جائے گا۔

کیو ایئر لائن تین  نئے ایئر بس 320طیارے اپنے بیڑے میں شامل کرے گا ۔ذرائع ایوی ایشن ڈویژن آرپی ٹی لائسنس ملنے کے تین سے چار ماہ کے بعد کیو ائیر لائن اپنی پروازیں شروع کر سکے گی۔ کیو ائیرلائن کی پروازیں لاہور ، اسلام آباداور کراچی کیلئے ہوں گی۔ اس وقت ملک میں تین مقامی ایئرلائنز اپنا فضائی آپریشن چلا رہی ہیں

جنوبی پنجاب صوبے کے قیام کیلئے درکار آئینی ترمیم کیلئے تعاون کریں٫ پاکستان تحریک انصاف نے بلاول بھٹو اور شہباز شریف کو خطوط ارسال کردیئے۔

جنوبی پنجاب صوبے کے قیام کیلئے آئینی رکاوٹیں دور کرنے میں تعاون کیلئے پاکستان تحریک انصاف نے خط لکھ کر ن لیگ اور پیپلز پارٹی کو مشکل میں ڈال دیا۔  

خارجہ مخدوم شاہ محمود قریشی نے جنوبی پنجاب علیحدہ صوبہ کے قیام کو عملی جامہ پہنانے اور درکار آئینی ترامیم کے لیے پارلیمانی لیڈر مسلم لیگ ن میاں شہباز شریف اور پیپلز پارٹی کے پارلیمانی لیڈر بلاول بھٹو کو لکھے گئے خطوط میڈیا کو جاری کردئیے.

ملتان میں پریس کانفرنس کے بعدوزیر خارجہ مخدوم شاہ محمود قریشی نے جنوبی پنجاب صوبے کے قیام کو عملی جامہ پہنانے اور درکار آئینی ترمیم کیلئے پارلیمانی رہنماؤں کو لکھے گئے خطوط میڈیا کو جاری کردئیے۔وزیر خارجہ کی جانب سے  قومی اسمبلی میں قائد حزب اختلاف میاں شہباز شریف اور پاکستان پیپلز پارٹی کے چیرمین بلاول بھٹو زرداری کو خطوط ارسال کیے گئے ۔خطوط کے متن میں، وزیر خارجہ  اور وائیس چیرمین پاکستان تحریک انصاف  شاہ محمود قریشی نے پارلیمان کی تمام بڑی جماعتوں کو جنوبی پنجاب صوبے کے قیام کیلئے قانون سازی کیلئے درکار تعاون کی درخواست کی ھے ۔ انہوں نے کہا کہ میں یہ خط، ملتان، ڈی جی خان اور بہاولپور ڈویژن پر مشتمل جنوبی پنجاب کا الگ صوبہ بنانے کے حوالے سے تحریر کر رہا ہوں، پیر، 17 جنوری 2022 کو، پاکستان مسلم لیگ نواز کے سینیٹر کی طرف سے سینیٹ میں ایک پرائیویٹ ممبر بل پیش کیا گیا اور پاکستان پیپلز پارٹی اور پاکستان تحریک انصاف نے اس کی حمایت کی۔جنوبی پنجاب کا الگ صوبہ بنانا اس علاقے کے لوگوں کی دیرینہ خواہش اور پی ٹی آئی کے منشور کا کلیدی جزو ہے۔تاہم، 35 ملین لوگوں کی اس خواہش کو پورا کرنے میں بنیادی رکاوٹ، ایک آئینی ترمیم ہے جس کے لیے پارلیمنٹ کی 2/3 اکثریت درکار ہے۔اس رکاوٹ کو دور کرنے کے لیے، میں آپ کو دعوت دیتا ہوں کہ پاکستان تحریک انصاف کا  ساتھ دیں اور 35 ملین لوگوں کے مستقبل کو سامنے رکھتے ہوئے اس اقدام کو حقیقت بنانے میں تاریخی کردار ادا کریں۔آئینی ترمیم کے لیے مطلوبہ اکثریت نہ ہونے کے باوجود ہم نے اپنے انتخابی وعدے کے مطابق جنوبی پنجاب کے عوام کی آسانی اور ترقی کے لیے کئی اہم عملی اقدامات اٹھائے ہیں۔جن میں سے چند درج ذیل ہیں. ملتان اور بہاولپور میں دو الگ الگ سیکرٹریٹ کا قیام اور مختلف سطحوں پر خدمات کی فراہمی کو بہتر بنانے کے لیے مختلف سرکاری محکموں میں انتظامی اختیارات کی فراہمی ۔. جنوبی پنجاب کی فعالیت کے لیے تشکیل دی گئی اسٹیئرنگ کمیٹی نے آبادی کے تناسب سے جنوبی پنجاب کے لیے صوبائی ملازمتوں کے لیے 32 فیصد کوٹہ کی منظوری  دی - جنوبی پنجاب ڈویژنوں کے لیے 35 فیصد ترقیاتی بجٹ مختص کیا گیا ۔.رولَز آف بزنس میں ترمیم ۔تاہم آئینی ترمیم کے ذریعے علیحدہ صوبے کا قیام بامقصد اور دیرپا پیشرفت کی راہ ہموار کرے گا، جس کے لیے تینوں بڑی سیاسی جماعتوں کو عزم کے ساتھ اتحاد کا مظاہرہ کرنا ہوگا،جنوبی پنجاب کا الگ صوبہ بنانے کے لیے، پی ٹی آئی کے وائس چیئرمین کی حیثیت سے، میں، آئینی ترمیمی بل کی تشکیل پر اتفاق رائے تک پہنچنے اور آگے بڑھنے کے لیے، اپنی دعوت کا اعادہ کرتا ہوں۔ میں آپ سے درخواست کرتا ہوں کہ براہ کرم اپنی پارٹی کے دو اراکین کو پارلیمنٹ کی خصوصی کمیٹی میں شامل کرنے کے لیے نامزد کریں جسے ترمیمی بل کا مسودہ تیار کرنے کا کام سونپا جائے گا.میں قومی اہمیت کے اس معاملے میں آپ کے تعاون کا منتظر ہوں۔

لاہورکے مشہورو مصروف انارکلی میں دھماکہ کی تحقیقات میں سیکیورٹی اداروں کو بڑی کامیابی مل گئی۔ دہشتگردوں کا تیسرا سہولت کار بھی پکڑا گیا

لاہورکے مشہورو مصروف انارکلی میں دھماکہ کی تحقیقات میں سیکیورٹی اداروں کو بڑی کامیابی مل گئی۔ دھماکہ میں مبینہ طور پر ملوث تیسرا سہولت کار گرفتار کرلیا گیا۔سیکیورٹی اداروں نے مبینہ سہولت کار نامعلوم مقام پر منتقل کرکےتحقیقات شروع کردیں

مذکورہ ملزم کو زیر حراست مبینہ سہولت کاروں کی نشانداہی پر تیسرا پکڑا گیا۔ذرائع کے مطابق تیسرے سہولت کار کو خفیہ اطلاع پر دہشتگردوں کے سلیپر سیل سے پکڑا گیا، 

انارکلی دھماکے میں مبینہ طور پر ملوث دو سہولت کار پہلے ہی زیر حراست ہیں،سیکیورٹی اداروں کے مطابق تیسرے سہولت کار کی گرفتاری پوچھ گچھ کے دوران عمل میں آئی۔

کراچی میں تیز ہوا نے تباہی مچا دی۔ 6 افراد جاں بحق۔ درخت اور دیواریں اکھڑ گئے۔

شہرقائد میں  مسلسل دوسرے روز گرد و غبار کے طوفان کی لپیٹ میں ہے اور شہر میں تیز گرد آلود ہوائیں چلنے سے معمولات زندگی متاثر ہے۔ایئر کوالٹی انڈیکس کے مطابق فضائی آلودگی کے اعتبار سے کراچی آج دنیا میں تیسرے اور پاکستان میں پہلے نمبر پر ہے اور شہر کی فضا میں پرٹیکیولیٹ میٹرز کی تعداد 224 ریکارڈ کی گئی ہے۔

کراچی مسلسل دوسرے روز گرد و غبار کے طوفان کی لپیٹ میں ہے اور شہر میں تیز گرد آلود ہوائیں چلنے سے معمولات زندگی متاثر ہے۔

شہر قائد میں آج بھی تیز ہواؤں اور گرد آلود فضا کے باعث نظام درہم برہم ہو کر رہ گیا ہے، فضائی آلودگی کے باعث شہریوں کے معمولات زندگی متاثر ہیں جبکہ عوام کو سانس لینے میں تکلیف کا بھی سامنا ہے۔محکمہ موسمیات کے مطابق کراچی میں اس وقت 35 کلومیٹر فی گھنٹہ کی رفتار سے گرد آلود تیز ہوائیں چل رہی ہیں اور شہر کا درجہ حرارت 20 ڈگری سینٹی گریڈ ہے.ایئر کوالٹی انڈیکس کے مطابق فضائی آلودگی کے اعتبار سے کراچی آج دنیا میں تیسرے اور پاکستان میں پہلے نمبر پر ہے اور شہر کی فضا میں پرٹیکیولیٹ میٹرز کی تعداد 224 ریکارڈ کی گئی ہے۔گزشتہ روز شہر میں طوفانی ہواؤں کے جھکڑ چلنے کے باعث دیواریں گرنے اور مختلف حادثات میں پانچ افراد جاں بحق ہوئے تھے۔ادھر محکمہ موسمیات نے طوفانی ہواؤں کے باعث آج سے شہر کا درجہ حرارت سنگل ڈیجٹ میں جانے کی پیش گوئی کرتے ہوئے کہا ہے کہ 27جنوری تک شہر میں سردی کی شدت برقرار رہے گی

قلات کے تحصیل منگچر میں بدرنگ کے مقام پر کار اور کوچ میں خوفناک تصادم۔5 افراد جاں بحق ہوگئے

بوچستان کے ضلع قلات کے تحصیل منگچر میں بدرنگ کے مقام پر کار اور کوچ میں خوفناک تصادم۔ حادثے میں کار میں سوار ایک ہی خاندان کے پانچ افراد جاں بحق ہوگئے۔

منگچر لیویز کے مطابق حادثہ پھسلن کے باعث پیش آیاہے۔جان بحق افراد میں خواتین اور بچے بھی شامل ہیں۔

جانبحق افراد کا تعلق پشین سے بتایاجاتاہے.جانبحق افراد کی نعشیں کوئٹہ منتقل کردیاگیاہے۔لیویز ذرائع کا کہنا ہے کہ حادثے کے بعد کوچ ڈرائیور فرار ہونے میں کامیاب ہوگیاہے۔